'మా నాన్న గే' అంటూ స్టార్ హీరో రివిల్

లాస్ ఏంజిల్స్ : ప్రముఖ హాలీవుడ్ నటుడు రాబర్ట్ డి నోరో తన తండ్రి ఓ గే అని తేల్చి చెప్పారు. ఆ విషయాన్ని ఆయన తన తల్లి,తండ్రి విడిపోయాక తెలిసిందని చెప్పారు. తన తండ్రి వేరే వ్యక్తితో ఉండేవాడిని అన్నారు. రాబర్ట్ డీ నీరో తండ్రి ఓ అబ్ స్ట్రాక్ట్ పెయింటర్. ఆయన 1993 లో మరణించారు. ఈ విషయాన్ని పీపుల్స్ మ్యాగజైన్ లో తెలియచేసారు.

డబ్బై సంవత్సరాల రాబర్ట్ డీ నీరో... 'రిమంబరింగ్ ఆర్టిస్టు :రాబర్ట్ డీ నీరో సార్', అనే హెబిఓ డాక్యుమెంటరీ లో ఈ విషయాలన్నీ చర్చించబోతున్నారు. ఈ డాక్యుమెంటరీ ఈ రోజు అంటే జూన్ 9 న ప్రసారం అవుతోంది. " నా పిల్లలు తమ తాత ఎలా జీవించాడో తెలుసుకోవాల్సిన అవసరం ఉంది. ఇదంతా కుటుంబం కోసం ," అని చెప్పుకొచ్చారు.

తన ఐదు దశాబ్దాల నటనా అనుభవం, తండ్రిగా తన జీవితం, కుటుంబం గురించి పలు విషయాలు ఈ డాక్యుమెంటరీలో చర్చించనున్నారు. గతం గుర్తు చేసుకోవటం యొక్క ప్రాముఖ్యత తనకు చాలా బాగా తెలుసు అని అన్నారు. అలాగే తను తన కుటుంబ విషయాలు తన పిల్లల కోసం కూడా ఇందులో పొందు పరిచానన్నారు.