»   » ఆస్కార్ విన్నింగ్ 'గ్రావిటీ' కథ అలా పుట్టింది

ఆస్కార్ విన్నింగ్ 'గ్రావిటీ' కథ అలా పుట్టింది

By Srikanya
Subscribe to Filmibeat Telugu
For Quick Alerts
ALLOW NOTIFICATIONS
For Daily Alerts

    లాస్‌ఏంజిల్స్‌ : 86వ ఆస్కార్‌ పురస్కారాల వేడుకలో ఈ సారి గ్రావిటీ చిత్రానికి అవార్డుల పంట పండింది. జార్జ్ క్లూనీ, శాండ్రా బుల్లక్ నటించిన ఈ చిత్రం ఏకంగా ఏడు అవార్డులు సొంతం చేసుకుంది. ఈ నేపధ్యంలో చిత్రం కథ ఆలోచన తనకి ఎలా వచ్చింది అనే దానిపై దర్శకుడు అల్ఫాన్సో మాట్లాడారు. తన తనయుడు జొనాస్‌ క్యూరోన్ సూచనపై 'గ్రావిటీ' రచన చేసి,విజయం సాధించానన్నారు.

    అల్ఫాన్సో మాట్లాడుతూ... ''ఒక రోజు నా కొడుకు నా దగ్గరకి వచ్చాడు. ఎప్పుడూ పాతబడిన కథలతోనే సినిమాలు ఎందుకు తీయడం? అవే మళ్లీ మళ్లీ తియ్యడానికి నీకెలా మనసొప్పుతుంది? అని అడిగాడు. ఎలాంటిది తీస్తే బాగుంటుందని అడిగితే, ఏదైనా కొత్తగా ఆలోచించు. భవిష్యత్తు గురించి, అప్పటికి మారిపోయే సాంకేతిక పరిజ్ఞానం గురించి తీయవచ్చు కదా అని సూచించాడు. దానికి నేను నా సెల్‌ఫోన్‌ను వాడ్డమే నాకు సరిగా తెలీదు, ఇక సాంకేతికత గురించి ఏం తీయగలను. కాబట్టి నువ్వు కూడా సహకరిస్తే ఇద్దరం కలిసి కథ రాద్దాం అన్నాను. అలా సిద్ధం చేసుకున్న కథే 'గ్రావిటీ'' అంటూ చెప్పుకొచ్చాడు అల్ఫాన్సో.

    ఈయన కొడుకు 30 ఏళ్ల జొనాస్‌ క్యూరోన్‌ కూడా తండ్రికి తగ్గ తనయుడిగానే ఎదుగుతున్నాడు. చిత్ర రంగానికి సంబంధించిన అన్ని రకాల సాంకేతిక అంశాలపైనా పట్టు సాధించాడు. డాక్యుమెంటరీ, షార్ట్‌ చిత్రాలతో విమర్శకుల ప్రశంసలు పొందాడు.

     My son prompted me to direct 'Gravity': Alfonso Cuaron

    చిత్రం కథేమిటంటే.... అంతరిక్షయానానికి వెళ్లిన ముగ్గురు వ్యోమగాముల్లో ఇద్దరు ఓ ప్రమాదంలో మరణిస్తారు. మిగిలిన రియాన్‌ అనే మహిళా వ్యోమగామి తిరిగి భూమికి ఎలా చేరిందనేదే చిత్రకథాంశం. వ్యోమగామి రియాన్‌గా సాండ్రా బుల్లాక్‌ కనిపించింది. అంతరిక్షం నేపథ్యంలో రూపొందిన ఈ సినిమాలో భవిష్యత్తును కళ్లకు కట్టినట్లు చూపించారు దర్శకుడు అల్ఫాన్సో క్వురోన్‌. సంచలన చిత్రాలను రూపొందించిన వార్నర్‌ బ్రదర్స్‌ సంస్థచే ప్రతిష్టాత్మకం గా తెరకెక్కించబడిన భారీ అంతరిక్ష సైన్స్‌ ఫిక్షన్‌ చిత్రం గ్రావిటీ'. జార్జ్‌ క్లోనీ, సాండా బుల్లోక్‌ వంటి స్టార్లు ఈ చిత్రంలో కీలక పాత్ర పోషించారు.

    అంతర్జాతీయ అంతరిక్షం కేంద్రం నేపధ్యంతో తెరకెక్కిన ఈ చిత్రానికి ప్రముఖ హాలీవుడ్‌ డైరెక్టర్‌ ఆల్‌ఫోన్సో కారోన్‌ దర్శకత్వం వహించారు. ఈ చిత్రం కోసం ఆల్‌ ఫోన్సో సుమారు నాలుగున్నర సంవ త్సరాలు శ్రమించారు. ఈ సైన్స్‌ ఫిక్షన్‌ చిత్రానికి సంబంధించి వినియో గించిన టెక్నాలజీ ప్రతి ఒక్కరిని మంత్రముగ్గులను చేసింది. అంతర్జాతీయ అంతరిక్ష కేంద్రంలో తలెత్తే పలు సమస్యలను ఇద్దరు వ్యోమగామలు ఎలా అధిగమించగలిగారు అనే అంశాలను దర్శకుడు అద్భుతమైన విజువల్‌ ఎఫెక్ట్స అనుభూతులతో చూపించటం జరిగింది. ఈ 3డీ స్పేస్‌ థ్రిల్లర్‌ మీకు ఆకాశంలో ఉన్న అనుభూతులను చేరువ చేసింది.

    English summary
    
 Director Alfonso Cuaron says it was his son who asked him to try out something new with space drama 'Gravity'. The 52-year-old filmmaker said his son Jonas Cuaron, who also co-wrote the script of the film with his father, was quite bored of his kind of films, reported the New York Post.
     

    తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more