Don't Miss!
- News రైతు రుణమాఫీ చేస్తే పార్టీని రద్దు చేసుకుంటావా? హరీష్ కు రేవంత్ రెడ్డి ప్రతిసవాల్
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Sports IPL 2024: హార్దిక్ పాండ్యా చెత్త కెప్టెన్సీనే ముంబై ఇండియన్స్ కొంపముంచింది: క్రీడా మంత్రి
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
2009 వ సంవత్సరానికి ఉత్తమ సినిమా ఏదంటే..!!
2009వ సంవత్సరంలో హాలీవుడ్ ఉత్తములు ఎవరని AOL కు సంబంధించిన moviefone.com నిర్వహించిన పోల్ లో 'ట్విలైట్' కు సీక్వెల్ గా వచ్చిన 'న్యూ మూన్' సినిమా ఈ ఏటి ఉత్తమ చిత్రంగా నిలిచింది. ఈ సినిమా నటించిన రాబర్ట్ ప్యాటిన్సన్ సెక్సీయెస్ట్ నటుడిగా 46.5% ఓట్సతో ప్రథమ స్థానం లో నిలువగా, టేలర్ లౌటర్ ఉత్తమ బ్రేక్ అవుట్ స్టార్ నిలిచాడు. అంతే కాదు ఈ ఏడు అత్యధిక మహిళాదరణ పొందిన సినిమా గా కూడా 'న్యూ మూన్' నిలిచింది.
ఇక ఈ సంవత్సరానికి గాను చెత్త సినిమాగా అత్యధిక మంది 'ట్రాన్స్ ఫార్మర్స్: రివెంజ్ ఆఫ్ ది ఫాలెన్' సినిమాను ఓట్ చేసారు. దీంతో పాటు ఈ సినిమా నిరాశపరచిన చిత్రాల్లో రెండవ స్థానంలో నిలిచింది. ఈ విభాగంలో బ్రూనో సినిమా మొదటి స్థానంలో నిలిచింది. ఇక ట్రాన్స్ ఫార్మర్స్ సినిమా లో నటించిన మేఘన్ ఫాక్స్ కు ఈ ఏడాది మిశ్రమ ఫలితాలు లభించాయి. ఈ ఏడాది సెక్సీయెస్ట్ నటీమణిగా ఎంపికయిన ఈమె, ఈ ఏడాది అత్యంత దారుణం గా నటించిన నటీమణిగా అపకీర్తిని మూటకట్టుకుంది.
'ది హ్యాంగ్ ఓవర్' సినిమా 51.8 % ఓట్లతో ఈ ఏటి ఉత్తమ హాస్య చిత్రంగా నిలువగా, డిస్నీ సంస్థ నిర్మించిన 'అప్' ఉత్తమ యానిమేషన్ చిత్రంగా నిలిచింది. ఫుట్ బాల్ క్రీడాకారుడి జీవితాన్ని ఆధారంగా చేసుకొని నిర్మించిన సినిమా 'ది బ్లైండ్ సైడ్' లో నటించిన సాండ్రా బుల్లక్ ఈ ఏటి ఉత్తమ నటిగా కీర్తినందుకుంది. ఉత్తమ చిత్రంగా నిలిచిన ట్విలైట్ సాగా న్యూమూన్ చిత్రానికి సీక్వెల్ గా రాబోతున్న 'ట్విలైట్ సాగా ఎక్లిప్స్' సినిమా 2010 లో ఎక్కువ మంది చూడాలని ఆశపడుతున్న సినిమా గా ఎంపికయింది. మొత్తానికి ఈ ఏటి అవార్డులను గమనిస్తే ట్విలైట్ సీక్వెల్లకు హాలీవుడ్ లో ఉన్న ఆదరణ అర్థమవుతుంది.
కొసమెరుపు ఏంటంటే ఈ హాలీవుడ్ ఉత్తమ చిత్రంగా నిలిచిన న్యూ మూన్ సినిమా అమావాస్య పేరుతో తెలుగులో అనువాదమయి అపజయం పాలవగా, అవతార్, 2012 వంటి చిత్రాలు తెలుగులో యుగాంతం, అవతార్ పేర్లతో విడుదలయి రికార్డు స్థాయి విజయాన్ని సాధించాయి.