Don't Miss!
- News ఎన్నికల్లో కీలక ఘట్టం ..నేటి నుంచే నామినేషన్లు షూరూ
- Lifestyle 56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..!
- Sports 89 రన్స్ కాపాడుకోవాలంటే..ఆ అద్భుతం జరగాలి!- గిల్
- Automobiles త్వరలో మేడ్ ఇన్ ఇండియా బుల్లెట్ ట్రైన్స్.. ఇక ప్రపంచ దేశాలన్నీ భారత్ వైపు చూడాల్సిందే.!!
- Travel సిక్కింలోని యుమ్తంగ్ వ్యాలీ వేసవిలో సందర్శనకు ఉత్తమం..
- Technology iPhone 16 Pro కెమెరా ఫీచర్లు లీక్! కొత్తగా Anti-Reflective టెక్నాలజీ రానుంది
- Finance ఆ కంపెనీ కొనే రేసులో టాటాలు, అంబానీ, రాధాకిషన్ దమానీ..!! పూర్తి వివరాలు..
నా పెళ్లి ఓ ఫ్రాడ్.. తప్పతాగి.. మద్యం మత్తులో..పెళ్లైన నాలుగో రోజే నాలుగో భార్యకు హీరో గుడ్బై
హాలీవుడ్ నటుడు నికోలాస్ కేజ్ నాలుగో పెళ్లి కూడా పెటాకులైంది. పెళ్లి జరిగిన వారం రోజుల లోపే విడిపోవాలని నిర్ణయం తీసుకోవడం చర్చనీయాంశమైంది. అయితే ఆయన నాలుగో భార్య ధీటుగా ఎదురించి నికోలాస్పై దావా వేసింది. దాంతో ఈ కేసు ఆసక్తికరంగా మారింది. హాలీవుడ్లో నికోలాస్ తీరు చర్చకు దారి తీసింది. వివరాల్లోకి వెళితే...
నా పెళ్లి ఓ ఫ్రాడ్ అని
నటుడు నికోలాస్ కేజ్ వివాహం ఎరికా కోయికేతో లాస్ ఎంజెలెస్లో మార్చి 23న జరిగింది. పెళ్లి తర్వాత 4వ రోజునే విడిపోవాలని నిర్ణయించుకొన్నారు. తమ వివాహం ఓ ఫ్రాడ్ అని నికోలాస్ ఆరోపించారు. తనను తప్పుదోవ పట్టించి వివాహం జరిగేలా చేశారని విమర్శలు చేశాడు. తాను, ఎరికా మద్యం మత్తులో పెళ్లి చేసుకోవాలని నిర్ణయిం తీసుకొన్నామని ఆరోపించారు. దాంతో ఎరికాతో విభేదాలు తలెత్తాయి.
పెళ్లికి ముందే విభేదాలు
పెళ్లికి ముందే నికోలాస్ కేజ్, ఎరికా కోయికా మధ్య విభేదాలు నెలకొన్నాయి. పెళ్లికి ముందు ఓ చోట వారిద్దరూ వాగ్వాదానికి దిగడం మీడియా కంటపడింది. పెల్లి తర్వాత వారి మధ్య గొడవలు తారాస్థాయికి చేరుకొన్నాయి. నాలుగు రోజుల్లో వారి మధ్య పూడ్చలేని అఘాతం ఏర్పడింది. దాంతో నికోలాస్ కేజ్ విడాకుల కోసం కోర్టుకు ఎక్కారు.
ఎంత చెప్పినా వినకుండా
పెళ్లి తర్వాత విభేదాలు నెలకొనడంతో నికోలాస్కు సర్ధి చెప్పడానికి ప్రయత్నించాను. కానీ అతను తన మాటను పెడచెవిన పెట్టాడు. అతని చేష్టలు అర్ధం కాకుండా ఉన్నాయి. తాను ఓ ట్రాన్స్లో ఉన్నట్టు కనిపించింది. తాను ఎన్నిమార్లు సర్ది చెప్పినా వినకుండా కోర్టులో విడాకుల కోసం కేసు నమోదు చేశాడు అని ఎరికా వెల్లడించింది.
జీవన భృతి కావాలని పిటిషన్
నికోలాస్ కేజ్తో సర్దుకుపోవాలని ప్రయత్నించాను. కానీ వైవాహిక జీవితానికి తాము సరిపోమని తెలుసుకొన్నాను. అయితే నాకు జీవనభృతిని కల్పించేలా కోర్టు ద్వారా చర్యలు తీసుకొంటున్నాను. కేజ్తో పెళ్లి వల్ల చాలా అవకాశాలు కోల్పోయాను. ఆయన ఆరోపణలతో నా ప్రతిష్టకు కూడా భంగం వాటిల్లింది. నాకు జీవనభృతిని కల్పిస్తే విడాకులు ఇవ్వడానికి సిద్ధం అని ఎరికా ఆవేదన వ్యక్తం చేశారు.
మూడు పెళ్లిళ్ల తర్వాత ఎరికాతో డేటింగ్ చేసి
హాలీవుడ్లో స్టార్ హీరోగా పేరు ఉన్న నికోలాస్ కేజ్కు గతంలో మూడు పెళ్లిళ్లు జరిగాయి. అలైస్ కిమ్, లిసా మారి పెర్ల్సీ, పాట్రిసియా అర్క్వెట్టేను వివాహం చేసుకొన్నాడు. తాజాగా మేకప్ ఆర్టిస్టు ఎరికా కోయికాతో 2018 ఏప్రిల్ నుంచి డేటింగ్ చేస్తూ 2019 మార్చి 23న వివాహం చేసుకొన్నాడు.