Don't Miss!
- Lifestyle ప్రాణాలకు ముప్పు ఉందని తెలిపే హీట్ స్ట్రోక్ లక్షణాలు
- Finance Jhunjhunwala News: కంపెనీలో 5 లక్షల షేర్లు కొన్న జున్జున్వాలా.. నష్టాల మార్కెట్లోనూ స్టాక్ ర్యాలీ..
- News ప్రచారం పక్కనపెట్టి గర్భిణీకి ప్రసవం.. దర్శి టీడీపీ అభ్యర్థికి హ్యాట్సాఫ్!!
- Sports అనూహ్య ఘటనను ఎదుర్కొన్న రోహిత్ శర్మ
- Technology OnePlus Flip వన్ప్లస్ ఫ్లిప్ ఫోన్ కీలక వివరాలు లీక్... టెలిఫోటో కెమెరా సహా కీలక ఫీచర్లు..!
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
చెన్నై ప్రజల నీటి కష్టాలు చూసిన చలించిపోయిన హాలీవుడ్ హీరో
తీవ్రమైన నీటి సమస్య ఎదుర్కొంటున్న చెన్నై నగరం అంతర్జాతీయ స్థాయిలో చర్చనీయాంశం అయింది. నగర ప్రజలకు ఇతర ప్రాంతాల నుంచి తాగునీటిని ట్యాంకర్ల ద్వారా సరఫరా చేస్తున్నారు. గత కొన్నేళ్లుగా చెన్నైలో వర్షాలు లేక పోవడంతో తాగునీటి వనరులు ఎండిపోయాయి. నగరం చుట్టు పక్కల చాలా చోట్ల చెరువులు, కుంటలను పూడ్చి భవనాలు నిర్మించడం కూడా ఇలాంటి పరిస్థితి కారణం.
చెన్నై నగర వాసుల కష్టాలపై హాలీవుడ్ నటుడు, టైటానిక్ మూవీ స్టార్ లియోనార్డో డికాప్రియో స్పందించారు. ఎండిపోయిన భావి నుంచి నీటిని తోడుకుంటున్న ఫోటో తన ఇన్స్టా గ్రామ్ పేజీ ద్వారా షేర్ చేసిన ఆయన... ఈ పరిస్థితి నుంచి చెన్నై నగరం బయటపడాలంటే వర్షాలు పడటం ఒక్కటే మార్గమని తెలిపారు.
సౌతిండియాలోని చెన్నై నగరం నీరు లేక అల్లాడుతోంది. ఈ బావి పూర్తిగా ఖాళీ అయింది. నగరానికి తాగునీరు అందించే నాలుగు ప్రధాన వనరులు పూర్తిగా ఎండిపోయాయి. ప్రభుత్వం ట్యాంకర్ల ద్వారా సరఫరా చేసే నీటిని పట్టుకోవడానికి ప్రజలు గంటల తరబడి క్యూలో వేచి ఉంటున్నారు. నీరు లేక పోవడంతో పలు హోటళ్లు, రెస్టారెంట్లు తాత్కాలికంగా మూతపడ్డాయి. నీటిని అందించేందుకు ప్రత్యామ్నాయ మార్గాల కోసం అధికారులు ప్రయత్నిస్తున్నారు. ఎన్ని ప్రయత్నాలు చేసినా.. వర్షం పడితేనే సమస్యకు పరిష్కారం దొరుకుతుంది. చెన్నై ప్రజలు వర్షం కోసం ప్రార్థనలు చేయాలి అంటూ లియోనార్డో డికాప్రియో వ్యాఖ్యానించారు.
అంతే కాదు భారత్లో రోజు రోజుకు పెరిగిపోతున్న చెత్త సమస్యపై కూడా ఇటీవల లియోనార్డో డికాప్రియో స్పందించారు. ఇండియాలో ఓ డంపింగ్ యార్డ్లో 65 మీటర్ల ఎత్తులో చెత్త పేరుకుపోయిందని, ప్రతి సంవత్సరం ఇది 10 మీటర్ల ఎత్తు పెరుగుతోందని, త్వరలోనే తాజ్ మహల్ ఎత్తును కూడా ఇది అధిగమిస్తుందని తెలిపారు.