Don't Miss!
- Sports RR vs DC: రియాన్ పరాగ్ విధ్వంసం.. 6 బంతుల్లో 5 బౌండరీలు!
- News Chengicherla: రాజా సింగ్ హౌస్ అరెస్ట్, బండి సంజయ్పై కేసు నమోదు
- Lifestyle ఎన్నికల ముందు ప్రచారంలో గాల్లో మేడలు కడుతున్న నాయకులు..
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
ఐదోసారి పెళ్లి చేసుకొన్న శృంగార తార.. లాక్డౌన్లో బాడీగార్డ్తో అఫైర్, పెళ్లి!
హాలీవుడ్ శృంగార తార, బేవాచ్ ఫేమ్ పమేలా అండర్సన్ ఐదోసారి పెళ్లి చేసుకొని వార్తల్లో నిలిచింది. కరోనా వైరస్ లాక్డౌన్ కాలంలో ప్రేమలో పడిన పమేలా తాజాగా మూడు మూళ్లు వేసుకొని నిత్య పెళ్లికూతురిలా మారింది. పమేలా అండర్సన్ ఐదో పెళ్లి విషయానికి సంబంధించిన వివరాల్లోకి వెళితే....
బేవాచ్ సిరీస్ ద్వారా ప్రపంచవ్యాప్తంగా ఆదరణ
హాలీవుడ్లో బేవాచ్ లాంటి టెలివిజన్ సిరీస్తో ప్రపంచవ్యాప్తంగా అభిమానులను సంపాదించుకొన్న పమేలా అండర్సన్ మరోసారి పెళ్లి కూతురిలా మారింది. క్రిస్మస్ సందర్భంగా కెనడాలోని వాంకోవర్ ఐలాండ్లో నిరాడంబరంగా జరిగిన కార్యక్రమంలో తన బాడీ గార్డ్ను ఐదో భర్తగా స్వీకరించింది. తన పెళ్లి విషయాన్ని సోషల్ మీడియా అకౌంట్లో ప్రపంచానికి తెలియజేసింది.
ఐదో పెళ్లి గురించి పమేలా అండర్సన్ వివరణ
తన ఐదో పెళ్లి గురించి హాలీవుడ్ మీడియాతో పమేలా అండర్సన్ వివరణ ఇచ్చింది. నా జీవితానికి పరిపూర్ణత కలిగించే వ్యక్తి కోసం చాలా కాలంగా ఎదురు చూశాను. నా అంగరక్షకుడిగా ఉన్న డాన్ హేహస్ట్ నాకు జీవిత భాగస్వామిగా కరెక్ట్ అనిపించింది. నేనంటే అభిమానం, ప్రేమ కలిగిన డాన్ కంటే మంచి భర్త మరొకరు దొరకరని విశ్వసించాను. లాక్డౌన్ కాలంలో మేమిద్దరం ప్రేమలో పడ్డాం. దాంతో ఒక్కటి కావాలనుకొన్నాం అని పమేలా అండర్సన్ తెలిపారు.
డాన్తో పెళ్లితో పరిపూర్ణత
డాన్ హేహస్ట్తో నా పెళ్లికి ప్రత్యేకత ఉంది. 28 ఏళ్ల నుంచి నా తాత నుంచి కొనుగోలు చేసిన ప్రదేశంలో పెళ్లి చేసుకొన్నారు. నా పెళ్లికి నా కుటుంబ సభ్యులు ఆశీస్సులు పై నుంచి లభించాయని నమ్ముతున్నాను. డాన్తో పెళ్లి వల్ల నా జీవితానికి పరమార్థం లభించిందని భావిస్తున్నాను. మళ్లీ నా జీవితంలో ప్రశాంతత నెలకొందనే భావన ఏర్పడింది అంటూ పమేలా అండర్సన్ పేర్కొన్నారు.
సోషల్ మీడియాకు పమేలా గుడ్బై
పెళ్లి తర్వాత పమేలా అండర్సన్ సంచలన ప్రకటన చేశారు. ఇక నుంచి సోషల్ మీడియాకు దూరంగా ఉంటాను. నా పెళ్లి వార్తే ఇన్స్టాగ్రామ్, ఫేస్ బుక్, ట్విట్టర్లో చివరి వార్త కానున్నది. డాన్తో వివాహం తర్వాత మరింత స్వేచ్ఛగా జీవించాలని అనుకొంటున్నాను. ఇక సోషల్ మీడియాకు సెలవు అంటూ పమేలా అండర్సన్ పోస్ట్ పెట్టారు.
Recommended Video
పమేలా అండర్సన్ పెళ్ళిళ్లు, భర్తల లిస్టు
ఇక పమేలా అండర్సన్ వివాహిక జీవితం విషయానికి వస్తే.. 1995లో టామ్ లీ అనే ప్రముఖుడిని పెళ్లి చేసుకొన్నారు. ఆ తర్వాత విభేదాలు తలెత్తడంతో 1998లో విడిపోయారు. ఆ తర్వాత కిడ్ రాక్తో వైవాహిక జీవితం 2006 నుంచి 2007 వరకు సాగింది. అనంతరం రిక్ సాల్మన్తో వివాహం జరిగింది. రెండేళ్లు కాపురం తర్వాత వారిద్దరు విడాకులు తీసుకొన్నారు. ఆ తర్వాత జాన్ పీటర్స్ను నాలుగో భర్తగా స్వీకరించింది. ప్రస్తుతం పమేలాకు ఇద్దరు సంతానం ఉన్నారు. తాజాగా ఐదో భర్తగా డాన్ హేహస్ట్ను పెళ్లి చేసుకోవడం గమనార్హం.