ప్రియాంక చోప్రా దుకాణం బంద్.. ఏం జరిగిందంటే?

గ్లోబల్ బ్యూటీ ప్రియాంక చోప్రా పెళ్లయ్యాక విదేశాల్లో సెటిల్ అయిన విషయం తెలిసిందే. ఇప్పుడు భర్త, పిల్లలు, హాలీవుడ్ సినిమాలు అంటూ పూర్తిగా బిజీ అయిపోయింది. అయితే కొన్నేళ్ళ క్రితం ఆమె న్యూయార్క్ లో ఓపెన్ చేసిన రెస్టారెంట్ తాజాగా మూతబడింది. మరి ఈ స్టార్ హీరోయిన్ రెస్టారెంట్ ఇలా మూతబడడానికి కారణం ఏంటో ఓ లుక్కేద్దాం.

ప్రియాంక చోప్రా న్యూయార్క్ సిటీ రెస్టారెంట్ సోనాను జూన్ 30న తర్వాత శాశ్వతంగా క్లోజ్ చేస్తామని ఆ సంస్థ ప్రకటించింది. సోనా మూడు సంవత్సరాల క్రితం భారతీయ పూజా కార్యక్రమంతో భారతీయ వంటకాల స్పెషల్ గా న్యూయార్క్ లో ఓపెన్ చేశారు. ఈ విషయాన్ని స్వయంగా ప్రియాంక చోప్రానే సోషల్ మీడియా వేదికగా పంచుకుంది. ఇక అప్పటి నుంచి ఈ రెస్టారెంట్ కు చాలా మంది తరచూ వచ్చేవారు. ముఖ్యంగా న్యూయార్క్‌లో భారతీయ ఆహారాన్ని తినాలని కోరుకునే ప్రముఖులకు ఈ రెస్టారెంట్ కేరాఫ్ అడ్రస్ గా మారింది.

ఇన్‌స్టాగ్రామ్‌లో దాని మూసివేత వార్తలను రెస్టారెంట్ షేర్ చేసింది. "మూడు సంవత్సరాల కంటే ఎక్కువ కాలం తర్వాత సోనాను మూసేస్తున్నాము. మా తలుపుల గుండా నడిచిన ప్రతి ఒక్కరికీ మేము ఎనలేని కృతజ్ఞతలు తెలియజేస్తున్నాము. మీకు సేవ చేయడం మా గొప్ప గౌరవం" అని రెస్టారెంట్ అధికారిక ఇన్‌స్టాగ్రామ్ ఖాతాలో పోస్ట్ చేశారు. అంతేకాకుండా "సోనా ఆఖరి సేవ ఆదివారం, జూన్ 30న బ్రంచ్ అవుతుంది" అని తెలిపారు.

సోనాను 2021లో ప్రియాంక చోప్రా, మనీష్ గోయల్ కలిసి స్టార్ట్ చేశారు. అయితే ప్రియాంక 2023 చివరిలో ఈ రెస్టారెంట్ తో తన భాగస్వామ్యాన్ని ఎండ చేసినట్టు తెలిసింది. ప్రియాంక టీం ఈ విషయంపై అప్పుడే ఒక ప్రకటన విడుదల చేశారు. "సోనాను జీవితంలోకి తీసుకురావడం ఆమె కెరీర్‌లో గర్వించదగిన, ముఖ్యమైన క్షణం. సినిమాలు, టీవీ కోసం ఆకర్షణీయమైన కంటెంట్ ద్వారా అయినా లేదా భారతదేశంలోని హాట్ వంటకాలను ప్రతిబింబించే అందంగా పూత పూసిన వంటకం ద్వారా అయినా.. కథ చెప్పడం ద్వారా భారతీయ సంస్కృతిని తెరపైకి తీసుకురావడానికి ప్రియాంక ఎల్లప్పుడూ ప్రయత్నిస్తుంది.

"ఆమె భాగస్వామ్యం, మద్దతుకు మేము కృతజ్ఞులం. ఆమె ఇకపై సృజనాత్మక భాగస్వామిగా పాల్గొననప్పటికీ, ప్రియాంక సోనా కుటుంబంలో భాగమే. మేము మా సంబంధిత కొత్త అధ్యాయాల కోసం ఎదురు చూస్తున్నాము" అని మనీష్ పీపుల్ మ్యాగజైన్‌తో అన్నారు. ప్రియాంకతో కలిసి పని చేయడం అనే ఒక కల నిజమైంది అని ఆయన అన్నారు. మొత్తానికి ప్రియాంక చోప్రా రెస్టారెంట్ క్లోజ్ అవుతోంది అన్నమాట.

కాగా ప్రియాంక సినిమాల విషయానికొస్తే కొన్ని రోజులుగా ఆస్ట్రేలియాలో ప్రియాంక చోప్రా హీరోయిన్ గా నటిస్తున్న ది బ్లఫ్ మూవీని చిత్రీకరిస్తున్నారు. ఆమె 'ది బ్లఫ్'లో కార్ల్ అర్బన్‌తో కలిసి పని చేస్తోంది. ఈ చిత్రం ప్రైమ్ వీడియోలో ప్రసారం కానుంది. ది బ్లఫ్ చిత్రానికి ఫ్రాంక్ ఇ. ఫ్లవర్స్ దర్శకత్వం వహిస్తున్నారు. ప్రపంచవ్యాప్తంగా $120 మిలియన్లకు పైగా వసూలు చేసిన హిట్ చిత్రం బాబ్ మార్లే : వన్ లవ్‌కు సహ-రచయితగా అతను పాపులర్ అయ్యాడు.