ప్రియాంక.. నీ పద్దతి బాగాలేదు.. పెళ్లికి ముందు షాకింగ్..

భారత్‌ నుంచి తప్పుకొన్న ప్రియాంక

నిక్ జోనస్‌తో ఎంగేజ్‌మెంట్ తర్వాత సల్మాన్ ఖాన్‌తో నటిస్తున్న భారత్ చిత్రం నుంచి ప్రియాంక తప్పుకోవడం బాలీవుడ్‌లో చర్చనీయాంశమైంది. పీసీ తీసుకొన్న నిర్ణయంతో చేసేది ఏమీ లేకపోవడంతో దర్శకుడు అలీ అబ్బాస్ జాఫర్.. వ్యక్తిగత జీవితంలో ఆమె సంతోషంగా ఉండాలని కోరుకొంటున్నాను అని అన్నారు.

హాలీవుడ్ మూవీ నుంచి కూడా

ఇది ఇంకా మరిచిపోకముందే హాలీవుడ్ చిత్రం నుంచి ప్రియాంక తప్పుకోవడం మరింత ఆశ్చర్యానికి గురిచేసింది. ఈ మధ్యకాలంలో క్రిస్ ప్రాట్ అనే హీరోతో కౌబాయ్ నింజా వైకింగ్ అనే హాలీవుడ్ చిత్రంలో నటించడానికి ఒప్పుకొన్నది. ఆ చిత్రం నుంచి కూడా ప్రియాంక బయటకు రావడం షాకింగ్ గురిచేసింది. ప్రియాంక చేస్తున్న పనిని చూసి ఇది ఏమైనా పద్దతేనా అని నెటిజన్లు అంటున్నారు.

కౌబాయ్ నింజా వైకింగ్ సినిమా నుంచి

కౌబాయ్ నింజా వైకింగ్ చిత్రాన్ని సెట్స్‌పైకి తీసుకెళ్లడానికి ప్రయత్నం చేస్తుండగా ప్రియాంక తప్పుకోవడం యూనిట్ పెద్ద దెబ్బ తగిలినట్లయింది. ఎందుకంటే ఈ చిత్రాన్ని 2019లో రీలీజ్ చేయాలన్న ఉద్దేశంతో పక్కా ప్లానింగ్ చేస్తున్నారు. ప్రియాంక ఇచ్చిన షాక్‌తో సినిమాను నిలిపివేసినట్టు సమాచారం.

గందరగోళంలో హాలీవుడ్ మూవీ రిలీజ్ డేట్

కౌబాయ్ నింజా చిత్రం నుంచి ప్రియాంక తప్పుకోవడంతో ఆ సినిమా భవిష్యత్ గందరగోళంలో పడింది. ఎప్పుడు ప్రారంభమవుతుందో చెప్పలేని పరిస్థితి ఉంది. డైరెక్టర్ మైకేల్ మ్యాక్ లారెన్ సందిగ్ధంలో పడిపోయారు. అయితే ప్రియాంకకు అనుకూలంగా ఉండే షెడ్యూల్‌ను ప్లాన్ చేసి రిలీజ్ డేట్ మార్చుకొనే ఉన్నట్టు తెలిసింది. ఎలాగైనా ఈ చిత్రంలో హీరోయిన్ పాత్రను ప్రియాంకతోనే చేయించే ఉద్దేశంతో ఉన్నారు.