Don't Miss!
- News బీజేపీలో చేరిన నల్లమిల్లి రామకృష్ణా రెడ్డి: ఆ నియోజకవర్గం నుంచే పోటీ
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
ఇలాంటి సీన్లు చేయడానికి సిగ్గులేదా? ప్రియాంకపై భగ్గుమంటున్న భారతీయులు!
Recommended Video
బాలీవుడ్ నటి ప్రియాంక చోప్రా అమెరికన్ టీవీ సీరిస్ 'క్వాంటికో'లో నటిస్తున్న సంగతి తెలిసిందే. అయితే తాజా ఏపిసోడ్లో ప్రసారం అయిన సీన్లపై భారతీయులు అసంతృప్తి వ్యక్తం చేస్తున్నారు. న్యూయార్క్లోని మాన్హట్టన్ ప్రాంతంలో భారతీయులు పేలుళ్లకు ప్రయత్నించారనే విధంగా ఇందులో చూపించడాన్ని పలువురు వ్యతిరేకిస్తున్నారు. ఇలా చేయడం ద్వారా భారతీయులను యూనైటెడ్ స్టేట్స్, ప్రపంచం దృష్టిలో చెడుగా చిత్రీకరించే ప్రయత్నం చేశారని పలువురు మండి పడుతున్నారు. ఈ షోతో పాటు ఇందులో నటించిన ప్రియాంక చోప్రా మీద కూడా విమర్శలు గుప్పిస్తూ ట్విట్టర్లో కామెంట్స్ వర్షం కురుస్తోంది.
ఆ సీన్లో ఏముంది?
ప్రియాంక చోప్రా ప్రధాన పాత్ర పోషించిన ఈ టీవీ సిరీస్లో అభ్యంతరకరంగా ఉన్న సీన్ గురించి ఆదిత్ కపాడియా అనే వ్యక్తి ట్విట్టర్లో వెల్లడించారు. ‘తాజా ఎపిసోడ్లో ప్రియాంక చోప్రా ఇన్వెస్టిగేషన్ చేస్తుండగా ఓ టెర్రరిస్ట్ మెడలో రుద్రాక్షమాల కనిపిస్తుంది. దాని ఆధారంగా వారు ఇండియన్స్ అని నిర్దారణకు వస్తారు. పాకిస్థాన్ టెర్రరిస్టుల ముసుగులో ఇండియన్సే పేలుళ్లకు ప్లాన్ చేశారు అనే విధంగా సీన్లో చూపించారు' అని వెల్లడించారు. టీవీ షో అయినప్పటికీ భారతీయులను ఇలా చిత్రీకరించే ప్రయత్నం చాలా దారుణమని, దీని వల్ల అమెరికన్లలో భారతీయులపై చెడు అభిప్రాయం ఏర్పడే అవకాశం ఉందని తెలిపారు.
సిగ్గుగా ఉందంటూ ప్రియాంకపై విమర్శలు
భారతీయులను తప్పుడుగా చిత్రీకరిస్తున్న క్వాంటికో లాంటి టీవీ సిరీస్లో నటిస్తున్న ప్రియాంకను చూస్తుంటే సిగ్గేస్తుంది.... అంటూ కొందరు ట్విట్టర్ ద్వారా మండి పడ్డారు.
డొనాల్డ్ ట్రంప్ను ట్యాగ్ చేసిన మరో వ్యక్తి
మరో వ్యక్తి తను చేసిన కామెంటుకు అమెరికా అధ్యక్షుడు డొనాల్డ్ ట్రంప్ను ట్యాగ్ చేస్తూ... ఇండియాను డిఫేమ్ చేసే ప్రయత్నం చేస్తున్నారని మండి పడ్డారు.
వాదోపవాదాలు
ఈ వివాదాస్పద సీన్ మీద ట్విట్టర్లో వాదోపవాదాలు జరుగుతున్నాయి. మనం కలిసికట్టుగా లేనపుడు ఇతరులను అని ఏం లాభం అంటూ కొందరు అభిప్రాయ పడుతున్నారు.
ఇలా చేయడం సరికాదు
భారతీయులను దోషులుగా చిత్రీకరిస్తూ క్వాంటికో లాంటి టీవీ సీరిస్లో సీన్లు పెట్టడం, ఇలాంటి వాటిలో భారతీయురాలైన ప్రియాంక చోప్రా నిరభ్యంతరంగా నటించడం దారుణమని, ఇది సరైంది కాదు అనే కామెంట్స్ వినిపిస్తున్నాయి.
రోహింగ్యాలతో ముడిపెట్టిన మరికొందరు
ప్రియాంక చోప్రా ఇటీవల బంగ్లాదేశ్కు చెందిన రోహింగ్యాల క్యాంపును సందర్శించి ఘటనను.... క్వాంటికోకు లింకు పెడుతూ విమర్శల వర్షం గుప్పించారు మరికొందరు. ప్రియాంక ఇపుడు డబ్బు దాహంతో ఉందని మండి పడ్డారు.
ప్రియాంక మీద ఆగ్రహం
ప్రియాంక చోప్రా హాలీవుడ్లో తన కెరీర్ బిల్డ్ చేసుకునే ప్రయత్నంలో ఉందని, ఇందుకోసం ఇండియాను డిఫేమ్ చేయడానికి కూడా ఏమాత్రం వెనకాడటం లేదు అని మరికొందరు మండి పడ్డారు.
బూతులు వాడొద్దు
క్వాంటికో వ్యవహారంలో ప్రియాంక చోప్రా మీద విమర్శలు చేయండి. కానీ ఎవరూ కూడా అభ్యంతరకర పదజాలం వాడొద్దు అని, తమ ఆగ్రహాన్ని హుందాగా వెల్లగక్కుదాం అని మరికొందరు అభిప్రాయపడ్డారు.