వారిద్దరి కలయిక అదిరిపోతుందట

హాలీవుడ్ నటి నికోల్ కిద్మాన్ క్రేజీ హీరో రాబర్ట్ ప్యాటిన్సన్ తో ఓ సినిమా చెయ్యనుందని విశ్వసనీయ సమాచారం. ఇటీవలే ప్రారంభమయిన 'బెల్ అమి' అనే సినిమాలో వీరిద్దరూ కలసి నటించనున్నట్టు తెలిసింది. రాబర్ట్ ఇప్పటికే సినిమాకు పచ్చజెండా ఊపగా, నికోల్ ఇంకా ఈ సినిమాలో నటించడం ఖరారు చెయ్యలేదు. కానీ ఆమె ఈ సినిమాలో ఖచ్చితంగా నటిస్తుందని సినిమా యూనిట్ చెబుతోందని డైలీ టెలీగ్రాఫ్ పత్రిక ఓ వార్తను ప్రచురించింది.

కాగా వీరిద్దరి కలయిక ఖచ్చితంగా ఓ మంచి జంటగా పేరుతెచ్చుకుంటుందని హాలీవుడ్ వర్గాలు అంచనా వేస్తున్నాయి. కాగా ఇటీవలే నికోల్ టామ్ క్రూజ్ తో ఆమె వివాహం ఆమె కెరీర్ కు ఎంతో కలసివచ్చిందని ప్రకటించిన విషయం తెలిసిందే...