Don't Miss!
- News ద్రోణి ప్రభావం: ఏపీలోని ఈ జిల్లాలకు వర్ష సూచన; అన్నదాతల ఆందోళన!!
- Finance Stock Market: ఎన్నికల ముందు మార్కెట్లలో అలజడి.. కుప్పకూలిన సెన్సెక్స్-నిఫ్టీ..
- Sports ముంబయి ఇండియన్స్కు కొత్త బౌలర్ వచ్చాడు
- Automobiles కొత్తగా మారిన ప్రమాదానికి గురైన కారు - ఫిదా చేస్తున్న వీడియో!
- Lifestyle మీ బాయ్ఫ్రెండ్/గర్ల్ఫ్రెండ్లో ఈ మార్పులు ఉంటే మిమ్మల్ని చీట్ చేయడానికి పన్నాగం పడుతున్నారని అర్థం జాగ్రత్త
- Technology గూగుల్ క్రోమ్ భద్రత కోసం సరికొత్త ఫీచర్.. వెబ్సైట్లోకి వెళ్లగానే మాల్వేర్ అటాక్లపై అప్రమత్తం చేస్తుంది!
- Travel హోలీ సందర్భంగా దేశంలోని ఈ ప్రదేశాలను చుట్టేయండి..!
కరోనాకి వణికిన బ్యాట్మాన్... ప్యాటిన్సన్కు సోకిన కోవిడ్19!
సిల్వర్ స్క్రీన్ పై మహామహులైన దుష్ఠశక్తుల్ని సైతం మట్టుబెట్టించే సూపర్ హీరోలు, చివరకు కరోనా ముందు చేతులు ఎత్తేస్తున్నారు. ఇప్పటికే హాలీవుడ్ లోని స్టార్ హీరోలను ముప్పుతిప్పలు పెట్టేసిన కోవిడ్ 19, ఇప్పుడు బ్యాట్ మాన్ వరకూ వెళ్లిపోయింది. దీంతో వార్నర్ బ్రదర్స్ సంస్థ షూటింగ్ ను మానుకుని కూర్చోవాల్సిన పరిస్థితి తలెత్తింది.
ట్విలైట్ సాగా హీరోగా పేరుగాంచిన రాబర్ట్ ప్యాటిన్సన్ ను తొలిసారి సూపర్ హీరోగా చూపించేందుకు కంకణం కట్టుకున్న వార్నర్ బ్రదర్స్, బ్యాట్ మాన్ సరికొత్త సినిమాకు శ్రీకారం చుట్టిన విషయం తెలిసిందే. కానీ, లాక్ డౌన్ వల్ల షూటింగ్ బ్రేకులు పడగా, ఇటీవలే మళ్లీ చిత్రీకరణ మొదలుపెట్టారు. అయితే ఇంతలోనే షూటింగ్ స్పాట్ లో కరోనా కలకలం మొదలైంది. చిత్ర బృందంలో ఒకరికి కరోనా పాజిటివ్ అని తేలడంలో మళ్లీ అర్ధాంతరంగా షూటింగ్ నిలిపివేయాల్సి వచ్చింది.
తమ బృందంలో ఒకరికి కోవిడ్ 19 సోకడం వల్ల షూటింగ్ నిలిపివేస్తున్నట్లు వార్నర్ బ్రదర్స్ సంస్థ ఓ ప్రకటన విడుదల చేసింది. అయితే, ఆ వ్యక్తి ఎవరన్న వివరాలు మాత్రం వెల్లడించలేదు. ఇక, అనధికార సమాచారం మేరకు బ్యాట్ మాన్ హీరో రాబర్ట్ ప్యాటిన్సన్ కే కోవిడ్ 19 సోకిందని తెలుస్తోంది. మరోవైపు తమ బృందంలో కరోనా సోకిన వ్యక్తిని తగు జాగ్రత్తలతో ఐసోలేషన్ లో ఉంచినట్లు మాత్రం వార్నర్ బ్రదర్స్ సంస్థ వెల్లడించింది.
ఇక కొద్దిరోజుల క్రితమే రాబర్డ్ ప్యాటిన్సన్ ను బ్యాట్ మాన్ గా చూపిస్తూ ఓ టీజర్ విడదల చేయగా, జనాలను విపరీతంగా ఆకట్టుకుంటోంది. ఎప్పుడెప్పుడు సినిమా థియేటర్లలో రిలీజ్ అవుతుందా అని అందరూ ఆసక్తిగా ఎదురుచూస్తున్నారు. మరి ప్యాటిన్సన్ త్వరగా కోలుకుని బ్యాట్మాన్ గా దూసుకువస్తాడని ఆశిద్దాం.