68 ఏళ్ల నటుడితో 26 ఏళ్ల ప్రముఖ నటి పెళ్లి.. సూసైడ్ చేసుకొంటామని ఫ్యాన్స్ వార్నింగ్

ప్రపంచంలోనే క్రేజీగా సెలెనా గోమేజ్

ప్రపంచ సంగీతంలో అత్యంత క్రేజ్ ఉన్న గాయని సెలెనా గోమెజ్. ఆమె వయసు 26 సంవత్సరాలు. గత కొద్దికాలంగా తన తోటి నటుడు బిల్ ముర్రేతో డేటింగ్ చేస్తున్నది. తన కంటే ఎక్కువ వయసు ఉన్న వ్యక్తితో అఫైర్ కొనసాగించడం హాలీవుడ్ ఇండస్ట్రీలో హాట్ హాట్ టాపిక్‌గా నిలిచింది.

కేన్స్ ఫెస్టివల్ వేదికపై మెరుపులు

తాజాగా సెలెనా గోమెజ్ కేన్స్ ఫిలిం ఫెస్టివల్ వేదికపై తళతళ మెరిసింది. ది డెడ్ డొంట్ డై అనే సినిమా స్క్రీనింగ్‌కు హాజరైంది. ఇది నా తొలి కేన్స్ సందర్శన. నాకు అత్యంత గౌరవం దక్కిందని భావిస్తున్నాను. ఈ చిత్రంలో జిమ్, బిల్ ముర్రేతో కలిసి పనిచేయడం గొప్ప అదృష్టం. మీకు ఓ ఆసక్తికరమైన వార్తను చెప్పాలనుకొంటున్నాను. బిల్ ముర్రేను వివాహం చేసుకోబోతున్నాను అని తన ఇన్సాటాగ్రామ్‌లో వెల్లడించింది.

పెళ్లి వార్తతో ఫ్యాన్స్‌కు షాక్

సెలెనా చేసిన సెన్సేషనల్ పోస్టు ఫ్యాన్స్‌ను దిగ్బ్రాంతికి గురిచేసింది. జోక్ చేస్తున్నదా? నిజమేనా అనే సందిగ్ధంలో పడిపోయారు. దాంతో ఇన్స్‌టాగ్రామ్‌లో కామెంట్లతో అభిమానులు హోరెత్తించారు. చాలా మంది దారుణమైన కామెంట్లతో షాకిచ్చారు. ఇన్స్‌టాలో ఇంకా కామెంట్లు వరద పారుతున్నది.

డబ్బు కోసమేనా.. సూసైడ్ చేసుకొంటాం

సెలెనా పోస్టుపై నెటిజన్లు స్పందిస్తూ.. ఆయన ఇంకా బతికే ఉన్నాడా? బిల్ ఎప్పుడో చనిపోయాడనుకొన్నాను అని ఓ వ్యక్తి కామెంట్ చేశాడు. నేను నా స్నేహితుడు సూసైడ్ చేసుకొంటాం. డబ్బు మోజులో కళ్లు కనిపించడం లేదు. ఆమె పోస్టు చూసి చచ్చినంత పనైంది అంటూ కామెంట్లతో హడలెత్తించారు.