హాలీవుడ్ లో బాలీవుడ్ బాద్షా షారుఖ్ ఖాన్

బాలీవుడ్ స్టార్ హీరో, బాలీవుడ్ కా బాద్షాగా అందరికీ సుపరిచితుడైన షారూఖ్ ఖాన్ ఓ హాలీవుడ్ చిత్రంలో నటించబోతున్నాడని విశ్వసనీయ సమాచారం. హాలీవుడ్ లో 'ట్యాక్సీ డ్రైవర్', 'అమెరికన్ గిగోలో' వంటి చిత్రాలను తీసిన ప్రముఖ స్క్రీన్ ప్లే రైటర్ పాల్ ష్కారడర్ ఈ చిత్రానికి దర్శకత్వం వహించబోతున్నారు. షారూఖ్ ఖాన్ నటించిన 'ఓం శాంతి ఓం', 'బిల్లూ బార్బర్' చిత్రాలకు స్క్రీన్ ప్లే సమకూర్చిన ముస్తాక్ షేక్ మరియు అనుభవ్ సిన్హా ఈ చిత్రన్ని పది మిలియన్ డాలర్ల భారీ బడ్జెట్ లో రూపొందించబోతున్నట్టు సమాచారం.

ఇంతకు ముందు షారూఖ్ సినిమాలకు పనిచేసిన చనువుతో ముస్తాక్ షేక్ ఈ సినిమాలో నటించమని బాద్షాను కోరినట్టు తెలిసింది. 'ఎక్ట్రీమ్ సిటీ' పేరుతో రూపొందబోయే ఈ చిత్రంలో నటించడానికి షారూఖ్ కూడా సానుకూలంగా ఉన్నాడట.