ప్రభుత్వం చేత అరుదైన గౌరవం పొందిన సింగర్

సింగర్ 'షకీరా'ని ఫ్రాన్స్ ప్రభుత్వం 'చెవాలియర్ డి ఎల్ ఆర్డర్ డెస్ ఆర్ట్స్ ఎట్‌డెస్ లెటర్స్ మెడల్' ఇచ్చి సన్మానించారు. దీంతో ఈ అవార్డు పొందిన మొదటి కొలంబియన్‌ షకీరానే కావడం విశేషం. 34 సంవత్సరాల వయసు కలిగిన షకీరాకు ఈ అవార్డుని శనివారం కేన్స్ ఉత్సవంలో ప్రెంచ్ సాంస్కృతిక శాక మంత్రి 'ఫ్రెడెరిక్ మిట్టరాండ్ల' తన చేతుల మీదగా అందజేశారు.

ఈ అవార్డు స్పీకరించిన సందర్బంలో షీకీరా మాట్లాడుతూ సాంస్కృతిక వారసత్వానికి మారుపేరైన ఫ్రాన్స్ దేశంలో ఈ పురస్కారాన్ని అందుకున్నందుకు చాలా సంతోషంగా ఉంది. ఈ అవార్డుతో నా భాద్యత మరింత పెరిగిందని చెబుతూ.. ప్రపంచంలో మిగిలి ఉన్న దేశాలకు ఈ సంస్కృతిని తెలిసేలా చేస్తానని తన అధికారిక వెబ్‌సైట్‌లో ద్వారా తెలిపారు.

ఫ్రాన్స్ ప్రభుత్వం ఈ అవార్డుని కళలు మరియు సాహిత్యంతో పాటుగా ఇతర స్వీకర్తలకు ముఖ్యమైన రచనలు వ్రాసిన వారిని గుర్తించి వారికి అందజేస్తుంది. గతంలో ఈ అవార్డుని ఎలియట్, జార్జ్ క్లూనీ మరియు క్లింట్ ఈస్ట్ వుడ్ మొదలగున వారు పొందారు.