హోమ్

హాలీవుడ్

లాస్ ఏంజిల్స్, జూన్ 3: హాలీవుడ్‌లో నిర్మితమైన యానిమేషన్ చిత్రాలకు పాపులర్ హీరోయిన్, హీరోలు గాత్రదానం చేయడం మామూలే. ఐతే ఇప్పుడు ఈ గాత్రదానం కోవలోకి మరో హాలీవుడ్ స్టార్ హీరోయిన్ చేరారు. ఆమె పేరు బేయోన్స్ నోలెస్. 'ఎపిక్' అనే యానిమేషన్ చిత్రానికి బేయోన్స్ నోలెస్ తన స్వరాన్ని అప్పు ఇచ్చింది. అంటే ఈ సినిమాలో ఓ పాత్ర తన స్వరంతో మాట్లాడుతుందన్నమాట.

30 సంవత్సరాల వయసు కలిగిన ఈ రిథమ్ & బ్లూస్(R&B) సింగర్ ఎపిక్ చిత్రంలో క్వీన్ తార అనే పాత్రకు స్వరాన్ని ఇచ్చింది. ఈ ప్రాజెక్టులో బేయోన్స్ నోలెస్‌తో పాటు కోలిన్ ఫర్రేల్, అమంద సేప్రెండ్, జానీ నాక్స్విల్లే, జాసన్ సూడైకిస్, స్టీవెన్ టైలర్ మరియు జోష్ హుచర్సేన్‌లు ఉన్నారు.

గతంలో 'ఐసి ఏజ్' చిత్రాలను నిర్మించిన క్రిస్ వెడ్జ్ ఈ చిత్రానికి దర్శకత్వం వహించారు. కథ విషయానికి వస్తే ఒక వయసులో ఉన్న అమ్మాయి తనకు తాను తెలియకుండా ఒక రహస్య విశ్వం లోకి పడిపోవడం, ఆ తర్వాత ప్రత్యేక గ్రూప్ సహాయంతో ప్రపంచాన్ని ఏవిధంగా రక్షిస్తారనే ముఖ్య కథాంశంగా సాగుతుంది. అధ్బుతమైన యాక్షన్ గ్రాఫిక్స్‌తో రూపొందిస్తున్న ఈ యానిమేటెడ్ చిత్రం వచ్చే సంవత్సరం మే 24న ధియేటర్లలలోకి విడుదల కానుంది.

ఇటీవల తండ్రులుగా మారిన సింగర్ జే-జడ్ 'డాడ్ ఆఫ్ ద ఇయర్' అవార్డుకి ఎంపికయ్యారు. జనవరిలో సింగర్ జే-జడ్ భార్య బేయోన్స్ నోలెస్ 'బ్లూ ఐవి కార్టర్' అనే పాపకు జన్మనివ్వగా.. నెల వయసు కలిగిన బేబి పెర్ల్‌కు తండ్రి అయ్యాడు. దీనితో పాటు 'ప్రీమియర్ ఇన్ సెలబ్రిటీ డాడ్ ఆఫ్ ఇయర్ ప్రైజ్'కు గాను షార్ట్ లిస్ట్ అయ్యాడు.