Don't Miss!
- Sports వేరీజ్ `మ్యాడ్` మ్యాక్సీ: ఆర్సీబీలో గందరగోళం
- News వైసీపీ అభ్యర్థికి జగన్ బంపర్ ఆఫర్.. పులివెందుల నుంచి పోటీ చేయలంటూ సూచన
- Finance Bank Holidays: ఏప్రిల్ లో 14 రోజులు బ్యాంకులకు సెలవులు..
- Automobiles కొత్త స్కూటర్ కొనేవారికి గుడ్ న్యూస్.. ఏథర్ రిజ్టా ప్రీ బుకింగ్లు ప్రారంభం.. రూ. 999 చెల్లిస్తే చాలు
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
టెనెట్లో బాలీవుడ్ హీరోయిన్.. సీక్రెట్గా క్రేజీ రోల్.. ముంబైలోనే షూట్
దర్శకుడు క్రిస్టఫర్ నోలన్ తదుపరి చిత్రం టెనెట్ ప్రపంచవ్యాప్తంగా రిలీజ్కు ముస్తాబువుతున్నది. కరోనావైరస్ పరిస్థితులు ప్రతికూలంగా ఉన్నప్పటికి ఈ చిత్రాన్ని జూలైలో రిలీజ్ చేయాలనే ప్లాన్తో చిత్ర యూనిట్ అడుగులేస్తున్నది. ఈ క్రమంలోనే భారీగా ప్రమోషన్ కార్యక్రమాలను చేపట్టింది. ఆ నేపథ్యంలోనే ఈ చిత్రానికి సంబంధించిన ట్రైలర్ను మే 21న ప్రేక్షకుల ముందుకు తీసుకొచ్చింది. అయితే ఈ చిత్రంలో బాలీవుడ్ అలనాటి హీరోయిన్ డింపుల్ కాపాడియా ఓ కీలక పాత్రను పోషించడం విశేషంగా మారింది.
గతేడాది సెప్టెంబర్లో టెనెట్ చిత్రానికి సంబంధించిన ప్రధాన సన్నివేశాలను ముంబైలో చిత్రీకరించారు. రాబర్ట్ పాటిన్సన్, జాన్ డేవిడ్ వాషింగ్టన్, డింపుల్ కాపాడియాపై ముంబైలో కొన్ని సన్నివేశాలు చిత్రీకరించారు. ఈ చిత్రంలో డింపుల్ కపాడియా రోల్ అత్యంత కీలకంగా ఉంటుందని చిత్ర యూనిట్ వర్గాల సమాచారం. అయితే ఆ పాత్ర గురించి వారు బయటకు చెప్పకుండా గోప్యంగా ఉంచుతున్నారు.
టెనెట్ ట్రైలర్ ప్రకంపనలు.. అమితాబ్ అయోమయం.. అసలేం జరిగిందంటే
మూడో ప్రపంచ యుద్ధం నేపథ్యంగా టైమ్ ట్రావెల్, రివర్స్ ఇంజినీరింగ్ అంశాల కలబోతగా ఈ సినిమా రూపొందింది. ఈ సినిమాకు సంబంధించిన మొదటి ట్రైలర్ డిసెంబర్ 2019లో రిలీజ్ అయింది.
తాజాగా మే 21వ తేదీన రిలీజైన టెనెట్ ట్రైలర్కు అనూహ్య స్పందన లభిస్తున్నది. ఈ చిత్రంలో జాన్ డేవిడ్ వాషింగ్టన్, రాబర్ట్ పాటిన్సన్, ఎలిజబెత్ దెబికి, క్లెమెన్సే పోసీ, ఆరానో టైలర్ జాన్సన్; మైఖేల్ కైనే, కెన్నెత్ బ్రనగ్, అలాగే డింపుల్ కపాడియా కూడా ఓ కీలక పాత్రను పోషించింది.
ముందస్తు ప్లాన్ ప్రకారం.. టెనెట్ చిత్రం జూలై 17న రిలీజ్ కావాల్సింది. అయితే ప్రస్తుత కరోనా పరిస్థితుల వల్ల రిలీజ్ డేట్పై సందేహాలు వ్యక్తమవుతున్నాయి. ఈ సినిమా రిలీజ్పై వార్నర్ బ్రదర్స్ స్టూడియో కసరత్తు చేస్తున్నది.