‘హంగర్స్ గేమ్’ సీక్వెల్‌ ఈ వారంలోనే

లాస్ ఏంజిల్స్ : హాలీవుడ్ లోనూ సీక్వెల్స్ యుగం నడుస్తోంది. ఆ మధ్య వచ్చిన హాలీవుడ్ చిత్రం 'హంగర్స్ గేమ్' ఏ రేంజిలో విజయం సాధించిందో తెలిసిందే. ఇప్పుడు ఈ చిత్రం సీక్వెల్‌ గా 'ద హంగర్స్ గేమ్ క్యాచింగ్ ఫైర్'టైటిల్ తో అభిమానులను అలరించటానికి వస్తోంది. . సంచలనం సృష్టించిన ఓ నవల ఆధారంగా గతంలో హంగర్స్‌గేమ్‌గా రూపొంది ఘనవిజయం సాధించిన చిత్రానికి సీక్వెల్‌గా వస్తున్న చిత్రమే 'ద హంగర్స్ గేమ్ క్యాచింగ్ ఫైర్'.

మనుషుల ప్రాణాలతో చెలగాటమాడే పాలకుల అహంకారాన్ని ఎదిరిస్తూ ఓ మహిళ చేసే పోరాటమే ఈ చిత్రం. మనుషుల ప్రాణాలతో ఆడుకునే ప్రక్రియ కలిగిన ఓ రాజ్యంలో నిత్యం జరిగేదే డెత్‌గేమ్. ఈ అంశంతో రూపొందిన చిత్రమిది. ఒక్కొక్క దేశం నుంచి ఇద్దరిని లాటరీ ద్వారా ఎన్నుకుని అందరినీ కలిపి ఒకరినొకరిని చంపుకుచావమని చెబుతారు. గెలిచినవాళ్ళే వాళ్ళ దేశానికి ప్రాణాలతో తిరిగివెళతారు. ఇది ఈ పాలకులు ఆడే డెత్‌గేమ్. కేవలం వినోదం కోసమే ఇలాంటి గేమ్స్ రాజ్యపాలకులు నిర్వహిస్తూ వుంటారు.

అలా లాటరీలో వచ్చిన హీరోయిన్ ఈ డెత్‌గేమ్‌లో పాల్గొంటుంది. ఆ పోరాటంలో పాల్గొన్న ఆమెకు అక్కడే హీరో పరిచయమవుతాడు. చివరకు ఆ డెత్‌గేమ్‌లో హీరో హీరోయిన్‌లు ఇద్దరే మిగులుతారు. మనుషుల ప్రాణాలతో ఆడుకునే ఇలాంటి గేమ్స్ జరగటానికి వీల్లేదంటూ పాలకులను ఎదిరిస్తుంది హీరోయిన్. డిఫరెంట్ కానె్సప్ట్‌తో ఎంతో ఆసక్తిగా క్షణక్షణం ఉత్కంఠతతో అనేక టెక్నికల్ వాల్యూస్‌తో కళ్ళు చెదిరే విజువల్ వండర్‌గా ఈ చిత్రం రూపొందించబడింది.

జెన్నీఫర్ లారెన్స్, జోష్ హెడ్చెర్‌సన్ లిమ్ హేమ్స్‌వర్త్ సామ్యూల్ హూస్‌మెన్ ముఖ్యపాత్రలు పోషించిన ఈ చిత్రానికి దర్శకుడు ఫ్రాన్సీస్ లారెన్స్. ఈ చిత్రాన్ని యూనివర్సల్ పిక్చర్స్ ద్వారా తెలుగు, హిందీ, ఇంగ్లీషు భాషలలో ప్రపంచ దేశాలతోపాటు డిసెంబర్ 6న ఆంధ్రప్రదేశ్‌లో విడుదల కానున్నది.