హోమ్

హాలీవుడ్

ప్రపంచవ్యాప్తంగా తనదైన అద్భుత విన్యాసాలతో రియల్ హీరోగా మంచి గుర్తింపును అందుకున్న స్టార్ టామ్ క్రూజ్ మరోసారి వార్తల్లో నిలిచాడు. అతను సోషల్ మీడియాలో ఎలాంటి వీడియో పోస్ట్ చేసినా కూడా అందులో ఏదో ఒక అద్భుతమైన కంటెంట్ ఉంటుంది అనే చెప్పాలి. తన సాహసాలతో నిత్యం అభిమానులకు షాక్ ఇచ్చే ఈ దిగ్గజ హీరో ఈసారి మరొక కళ్లు చెదిరే వీడియోను పోస్ట్ చేశాడు.

ఏకంగా ఆకాశంలో వెళుతున్న విమానం నుంచి ఒక్కసారిగా దూకేసాడు. అందుకు సంబంధించిన వీడియోను తన ట్విట్టర్ ఖాతాలో పోస్ట్ చేసిన టామ్ క్రూజ్ ఫ్యాన్స్ కు కూడా ప్రత్యేకంగా కృతజ్ఞతలు తెలిపాడు. ఈ ఏడాదికి మీకు కృతజ్ఞతలు తెలుపకుండా ముగింపు పలికేది లేదు అంటూ తదుపరి సినిమా కోసం కూడా సిద్ధమవుతున్నాను అని ఈ సాహసోపేతమైన వీడియో ద్వారా టామ్ తెలియజేశాడు.

అతను చివరిగా నటించిన టాప్ గన్ మేవరిక్ సినిమా బాక్సాఫీస్ వద్ద సంచలన విజయాన్ని సొంతం చేసుకున్న విషయం తెలిసిందే. అప్పటివరకు నష్టాల్లో కూడా సాగుతున్న హాలీవుడ్ ఇండస్ట్రీకి కూడా ఆ సినిమా మంచి బూస్ట్ ఇచ్చింది. అయితే ఆ సినిమాకు అంతటి ఘనవిజయాన్ని అందించిన ప్రేక్షకులకు ఈ హీరో ఇదివరకే చాలాసార్లు ప్రత్యేకంగా కృతజ్ఞతలు తెలిపారు. అంతే కాకుండా ఇప్పుడు మరొక సాహసోపేతమైన వీడియోను షేర్ చేస్తూ తన తదుపరి సినిమా సెట్స్ లోకి వెళ్తున్నట్లుగా తెలియజేశాడు.

A special message from the set of #MissionImpossible @MissionFilm pic.twitter.com/sfnWWluLyl

— Tom Cruise (@TomCruise) December 18, 2022

ఒకటిన్నర నిమిషాల్లో ఉన్న ఈ వీడియోలో తన అనుభవాన్ని తెలియజేశాడు. మిషన్: ఇంపాజిబుల్ - డెడ్ రికనింగ్ భాగాలను పూర్తి చేయడానికి మేము సిద్ధమయ్యాము అంటూ... ఇంతకుముందు వచ్చిన సినిమాలను సక్సెస్ చేసినందుకు మీకు అందరికీ కూడా ప్రత్యేకంగా ధన్యవాదాలు చెప్పాలని అనుకుంటున్నానని అన్నాడు. అలాగే ఈ సెలవుల్లో మీరు చాలా సంతోషంగా సురక్షితంగా ఉండాలి అని నేను కోరుకుంటున్నాను అని అతను ప్యారశూట్ తో ప్లేన్ నుంచి దూకేశాడు. ఇక ఆ వీడియో ఇంటర్నెట్ ప్రపంచంలో ఈ విధంగా వైరల్ అవుతుంది. ఇక 'మిషన్: ఇంపాజిబుల్ - డెడ్ రికనింగ్ పార్ట్ వన్' 2023 జూలై 14న ప్రపంచవ్యాప్తంగా విడుదల కానుంది.