'వన్‌షాట్' సినిమా చేయడానికి సంతకం పెట్టిన సూపర్ స్టార్

హాలీవుడ్ సూపర్ హీరో టామ్ క్రూయిజ్ క్రిస్టోఫర్ మెక్‌క్వరీ ధ్రిల్లర్ సినిమా 'వన్ షాట్'లో లీడ్ రోల్ పోషించడానికి సంతకం చేసినట్లు సమాచారం. ఈ విషయాన్ని క్రిస్టోఫర్ మెక్‌క్వరీ తన బ్లాగులో తెలియజేశారు. క్రిస్టోఫర్ మెక్‌క్వరీ తన బ్లాగులో రాసిన దాని ప్రకారం టామ్ క్రూయిజ్ వన్ షాట్ సినిమాలో జాక్ రీచర్ క్యారెక్టర్ చేయడానికి ఒప్పుకున్నారని అన్నారు. ఇక ఈ సినిమా లీ చిల్డ్ రాసినటువంటి 15 నవలలో ఒకటైన నవలను ఆధారం చేసుకోని రూపోందించడం జరుగుతుంది.

లీ చిల్డ్ రాసినటువంటి 15 నవలలో 9వ నవల ఆధారంగా సినిమా తీస్తున్నారు. ఈ నవలలో జాక్ రీచర్ అనే క్యారెక్టర్ దారి తప్పిన ఓ మాజీ మిలిటరీ ఆఫీసర్‌గా నటిస్తున్నారు. అలా దారి తప్పిన ఓ మిలిటరీ ఆఫీసర్ మర్డర్ కేసులో ఇరుక్కోవడం, ఆ తర్వాత ఆ మర్డర్ కేసు నుండి ఎలా బయట పడ్డాడు అనే సారాంశం మీద సినిమా తీస్తున్నారు. ఈ నవల సిరిస్ రాసినటువంటి లీ చిల్డ్ కూడా తన పూర్తి సహాకారాన్ని టామ్ క్రూయిజ్‌కి సినిమా తీయడానికి అందిస్తానని పేర్కోన్నారు.

టామ్ క్రూయిజ్, క్రిస్టోఫర్ మెక్‌క్వరీ ఇద్దరూ కలసి 2008వ సంవత్సరంలో తీసినటువంటి వరల్డ్ వార్ 2 సినిమా ఎంత పెద్ద విజయం సాధించిందో తెలిసిందే. ఆ తర్వాత వీరిద్దరి కాంబినేషన్‌లో వస్తున్న సినిమా 'వన్ షాట్' పై టామ్ క్రూయిజ్ అభిమానులు ఇప్పటికే భారీ అంచనాలను పెట్టుకున్నారు. సాధ్యమైనంత త్వరగా సినిమాని పూర్తి చేసి 2012లో విడుదల చేయాలని నిర్ణయం తీసుకున్నట్లు డైరెక్టర్ క్రిస్టోఫర్ మెక్‌క్వరీ వెల్లడించారు.