అత్యంత శృంగారవంతమైన మహిళగా 'తులిసా'

By Nageswara Rao

Published: Thursday, May 3, 2012, 15:40 [IST]

లండన్: ఎఫ్‌హెచ్‌ఎమ్ మ్యాగజైన్ నిర్వహించిన కార్యక్రమంలో ప్రపంచంలో అత్యంత శృంగారవంతమైన మహిళ ఎవరూ అన్న ప్రశ్నకు గాను పాప్ సింగర్ 'తులిసా కాంటోత్సావ్లోస్' ని వోట్ చేసింది. రెండు మూడు స్దానాలలో సింగర్ చెర్రీ కోల్, రిహానాలు సొంతం చేసుకున్నారు. ఈ సందర్బంలో ఓ ప్రముఖ వెబ్‌సైట్‌కి ఇచ్చిన ఇంటర్యూలో 'తులిసా కాంటోత్సావ్లోస్' మాట్లాడుతూ నాకు ఓటు వేసినందుకు గాను అందరికి ధన్యవాదాలు.

ఇది నిజంగా నాకు దక్కిన అరుదైన గౌరవంగా భావించడమే కాకుండా.. నాకు మరింత నమ్మకాన్నిస్తుందని అన్నారు. ఈ గౌరవం నన్ను గర్వపడేలా చేయడమే కాకుండా.. మరింత ఆనందాన్ని కలగజేస్తుంది. 'తులిసా కాంటోత్సావ్లోస్' హాలీవుడ్ మొత్తానికి తులిసాగా బాగా సుపరిచితం. హిప్ - హాప్ మ్యూజిక్ బృందంలో తులసా ఉందంటే అలాంటి స్టేజి షోలకు మరింత గిరాకీ. ప్రస్తుతం 'తులిసా కాంటోత్సావ్లోస్' హాలీవుడ్ రియాలిటీ షో 'ద ఎక్స్ ఫ్యాక్టర్' కార్యక్రమానికి జడ్జిగా వ్యవహారిస్తున్నారు.

2010వ సంవత్సరానికి గాను ఎఫ్‌హెచ్‌ఎమ్ మ్యాగజైన్ విడుదల చేసిన ప్రపంచంలో వంద అత్యంత శృంగారవంతమైన మహిళలలో తులిసా 15వ స్దానాన్ని కైవసం చేసుకున్నారు.