Steven Spielberg ఆస్కార్‌లో 13 సార్లు నామినేషన్స్.. బెన్ హర్ డైరెక్టర్ చరిత్రను స్పీల్ బర్గ్ తిరగరాస్తాడా?

13 సార్లు నామినేట్

స్టీవెన్ స్పీల్ బర్గ్ తన కెరీర్‌లో ఇప్పటి వరకు 13 సార్లు నామినేట్ అయ్యారు. 1978 నుంచి ఇప్పటి వరకు బెస్ట్ డైరెక్టర్, బెస్ట్ పిక్చర్ కేటగిరీలో నామినేట్ అవుతూ వస్తున్నారు. ప్రస్తుతం ఏడాది తాను రూపొందించిన ది ఫేబెల్ మ్యాన్స్ అనే చిత్రానికి బెస్ట్ పిక్చర్, బెస్ట్ డైరెక్టర్, బెస్ట్ ఒరిజినల్ స్క్రీన్ ప్లే క్యాటగిరిలో నామినేషన్ సాధించారు.

స్పీల్ బర్గ్ సాధించిన ఆస్కార్ నామినేషన్లు

స్టీవెన్ స్పీల్ బర్గ్ తన కెరీర్‌లో 1978 నుంచి ఇప్పటి వరకు ఆస్కార్ నామినేషన్ సాధించడం 14వ సారి. 1978లో క్లోజ్ ఎన్‌కౌంటర్స్ ఆఫ్ ది థర్డ్ కైండ్, 1982లో రైడర్స్ ఆఫ్ ది లాస్ట్ ఆర్క్, 1983లో ఈటీ: ది ఎక్ట్రా టెర్రెస్టిరియల్, 1986లో ది కలర్ పర్పల్, 1994లో షిండ్లర్స్ లిస్ట్, 199లో సేవింగ్ ప్రైవేట్ ర్యాన్, 2006లో మ్యూనిచ్, 2007లో లెటర్స్ ఫ్రమ్ ఐవో జిమా, 2012లో వార్ హార్స్, 2013లో లింకన్, 2016లో బ్రిడ్జ్ ఆఫ్ స్పీసెస్, 2018లో ది పోస్ట్, 2022‌లో వెస్ట్ సైడ్ స్టోరి చిత్రాలకు నామినేషన్ సాధించాడు.

మూడు ఆస్కార్ అవార్డులు

ఆస్కార్ అవార్డుల రేసులో స్టీవెన్ స్పీల్ బర్గ్ 13 సార్లు నామినేట్ అయితే.. మూడుసార్లు అస్కార్ అవార్డులను సొంతం చేసుకొన్నారు. 1984లో షిండ్లర్స్ లిస్ట్ చిత్రానికి ఉత్తమ చిత్రం, ఉత్తమ డైరెక్టర్ అవార్డును సొంతం చేసుకొన్నారు. 1999లో ఉత్తమ దర్శకుడిగా సేవింగ్ ప్రైవేట్ ర్యాన్ సినిమాకు అవార్డును సొంతం చేసుకొన్నారు.

ది ఫెబెల మ్యాన్స్‌తో మరోసారి ఆస్కార్ కోసం

ప్రస్తుతం అంటే 2023లో ది ఫెబెల్ మాన్స్ అనే చిత్రానికి ఆస్కార్ నామినేషన్ సాధించాడు. బెస్ట్ పిక్చర్స్, బెస్ట్ డైరెక్టర్, బెస్ట్ ఒరిజినల్ స్క్రీన్ ప్లే క్యాటగిరిలో అర్హత సాధించాడు. ప్రస్తుతం ఏ అవార్డును గెలుచుకొంటాడనే ఉత్కంఠ స్టీవెన్ స్పీల్ బర్గ్ అభిమానుల్లో నెలకొన్నది.

విలియమ్ వైలేర్‌ రికార్డును అధిగమిస్తాడా?

ఇదిలా ఉంటే.. ఆస్కార్ అవార్డులో మరో విశేషమైన విషయం కూడా ఉంది. 13 సార్లు మరో ఫిల్మ్ మేకర్ కూడా నామినేట్ అయిన విలియమ్ వైలెర్‌తో స్పీల్ బర్గ్‌తో పోటీ పడుతున్నాడు. విలియమ్ వైలేర్ 1942లో మిస్ మినివర్, 1946లో ది బెస్ట్ ఇయర్స్ ఆఫ్ అవర్ లైవ్స్, 1959లో బెన్ హర్ సినిమాలకు ఆస్కార్ సాధించారు.

విలియమ్ వైలెర్ తన 79వ ఏట అంటే 1981లో కన్నుమూశారు. ఇద్దరికి మూడుసార్లు ఆస్కార్ అవార్డు లభించింది. ఈ సారి విలియమ్ రికార్డును అధిగమించి స్పీల్ బర్గ్ రికార్డు సాధిస్తారా? అనే విషయం ఆసక్తిగా నిలిచింది.