Don't Miss!
- Sports DC vs SRH:ట్రావిస్ హెడ్, షెహ్బాజ్ అహ్మద్ విధ్వంసం.. ఢిల్లీ ముందు భారీ లక్ష్యం
- News సుమలత దెబ్బకు మాజీ సీఎం హడల్, ఇంతవరకు ప్రచారం చెయ్యలేదు, అసలు మ్యాటర్ !
- Technology Whatsapp File Sharing Feature వాట్సాప్లో కొత్త ఫీచర్.. సులభంగా ఫైల్స్ షేర్ చేసుకోవచ్చు..!
- Lifestyle మీ భార్యతో ఇలా ఎప్పుడైనా ఉన్నారా..? ఆ విషయంలో భర్త తగ్గాల్సిందే..!
- Finance HDFC Bank: అంచనాకు అనుగుణంగానే హెచ్డీఎఫ్సీ బ్యాంక్ ఫలితాలు..!
- Automobiles త్వరలోనే ఎయిర్ ట్యాక్సీ సర్వీస్.. 7 నిమిషాల్లో 30 కి.మీ జర్నీ.. ఇండిగో గుడ్ న్యూస్
- Travel తెలంగాణ టూరిజం.. హైదరాబాద్ టు షిర్డీ ఫ్లైట్ టూర్ ప్యాకేజీ..
ఆ టెన్షన్తో నిద్రపట్టడం లేదు.. అలాంటి కోరిక ఎప్పుడూ లేదు.. అనసూయ
వినోద పరిశ్రమలో యాంకర్గా కెరీర్ ప్రారంభించిన అనసూయ.. అంచెలంచెలుగా ఎదుగుతూ సినిమా రంగంలో తనదైన ముద్రను వేశారు. ఇటీవల ఆమె నటించిన క్షణం, రంగస్థలం, యాత్ర సినిమాలు మంచి పేరును తెచ్చాయి. నటిగా మంచి పేరు తెచ్చుకొంటున్న నేపథ్యంలో సింగిల్ హీరోయిన్గా కథనం సినిమాతో ప్రేక్షకుల ముందుకు వస్తున్నారు. కథనం సినిమా ఆగస్టు 9న రిలీజ్ అవుతున్న నేపథ్యంలో అనసూయ భరద్వాజ్ ఫిల్మీబీట్తో ముచ్చటించారు. అనసూయ చెప్పిన విషయాలు ఆమె మాటల్లోనే..
హీరోయిన్ అవుతానని ఎన్నడూ అనుకోలేదు
సినీ పరిశ్రమలో అడుగుపెట్టి దాదాపు పదేళ్లయింది. నేను ఎప్పుడు సినిమాల్లోకి వస్తానని గానీ, సింగిల్ పోస్టర్ హీరోయిన్గా అవుతానని కూడా అనుకోలేదు. హీరోయిన్గా అవ్వాలనే కోరిక నాకు ఎప్పుడూ లేదు. సింగిల్ హీరోయిన్ అనేది బాధ్యత. సినిమా ప్రమోషన్ చూస్తుంటే ఆ బాధ్యత గుర్తొస్తుంది. రంగస్థలం సినిమా చేసినప్పుడు వాళ్లు చెప్పినట్టు చేసుకొంటూ పోయాను. చివరకు నా పాత్ర ప్రభావం ఏమిటనేది తెర మీద చూస్తేగానీ తెలియలేదు. అప్పటి నుంచి వచ్చిన అవకాశాన్ని కరెక్ట్గా చేయాలని నేర్చుకొన్నాను.
క్షణం తర్వాత చాలా ఆఫర్లు
క్షణం సినిమా తర్వాత నాకు చాలా ఆఫర్లు వచ్చాయి. రంగస్థలం నుంచి కథనం సినిమా వరకు కూడా ఎన్నో అవకాశాలు ఉన్నాయి. హీరోయిన్ ఎందుకు అయ్యానని, సినిమాల్లోకి ఎందుకు వచ్చానని ఎన్నడూ అనుకోలేదు. కథనం మెయిన్ లీడ్ చేయడానికి ముందు చాలా కథలు విన్నాను. దాదాపు 13 స్టోరీలు విన్నాను. కథనం కథ విన్నప్పుడూ అది కరెక్ట్ అనే ఫీల్ అయ్యాను.
ఫిలిం డైరెక్టర్ పాత్రలో
కథనం విషయానికి వస్తే నేనేంటో నిరూపించుకోవడానికి అవకాశం కలిగింది. రకరకాల ఎమోషన్స్ ఉండే పాత్ర. ఈ సినిమాలో నా పాత్ర పేరు అను. ఫిలిం డైరెక్టర్ కావాలనే లక్ష్యంతో ఉంటాను. సస్పెన్స్, థ్రిల్లర్ సినిమా కథ రాసుకొని సినిమా తీస్తుంటే కొన్ని సమస్యల్లో ఇరుక్కుపోతుంది. ఇలాంటి పరిస్థితుల మధ్య నా పాత్ర ఎలా తన లక్ష్యాన్ని చేరుకొన్నదనే సినిమా కథ.
కథనం ప్రమోషన్ బరువు, బాధ్యతను
కథనం సింగిల్ హీరోయిన్ సినిమా కాబట్టి సవ్యంగా ప్రమోషన్ బాధ్యతను నా భుజాన వేసుకొంటున్నాను. ఇది నాపై కొంత భారమే అయినా.. దానిని పాజిటివ్గా తీసుకొంటున్నాను. ప్రేక్షకులకు రప్పించే ప్రయత్నం చేస్తున్నాను. అయితే నాకు మాత్రం నేను ప్రేక్షకులను థియేటర్కు రప్పిస్తానా అనేది ఇంకా నాపై నాకే నమ్మకం లేదు. కానీ నా నిర్మాతలకు ఆ నమ్మకం ఉండే కథనం సినిమాను నాతో చేయించారు. రిలీజ్ తర్వాత ఎలాంటి రెస్పాన్స్ వస్తుందో వేచి చూడాల్సిందే.
కథనంకు అన్ని సినిమా కష్టాలు
కథనం మూవీని ప్రేక్షకుల ముందుకు తీసుకురావడానికి సినిమా కష్టాలు బాగానే పడ్డాం. నిర్మాతలు, దర్శకుడు, హీరోయిన్గా నేను, నాతోటి నటీనటులు చాలా రకాలుగా సమస్యలు ఎదుర్కొన్నాం. అవన్నీ తట్టుకొని మీ ముందుకు రావడమంటే మామూలు విషయం కాదు. సినిమా రిలీజ్కు ముందు టెన్షన్తో నిద్రపట్టడం లేదంటే నమ్మలేకపోయాను. ఇప్పుడు ఆ పరిస్థితిని ప్రత్యక్షంగా చూస్తున్నాను. ఈ సినిమాలో ధన్రాజ్, అవసరాల శ్రీనివాస్, రణధీర్, పెళ్లి పృథ్వీ, జ్యోతి, సమీర్ లాంటి వాళ్లకు మంచి పేరు వస్తాయనే నమ్మకం ఉంది.