Don't Miss!
- News ఎమ్మెల్యే రాజా సింగ్ పై కేసు నమోదు
- Sports PBKS vs MI: రోహిత్ శర్మ ట్రేడ్ మార్క్ సిక్సర్.. హార్దిక్ రియాక్షన్ వైరల్! వీడియో
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
కేసీఆర్ బయోపిక్పై నవాజుద్దీన్ సిద్ధికీ క్లారిటీ.. పోరాట యోధుడి పాత్రలో..
విలక్షణ నటుడు నవాజుద్దీన్ సిద్ధిఖీ ఏ పాత్రలోనైనా ఒదిగిపోతాడు. ఏ పాత్ర వేసినా అందులో జీవిస్తాడు. తాజాగా ఆయన నటించిన చిత్రం మాంటో. అద్భుతమైన, పేరొందిన రచయితగా పేరున్న సాదత్ హసన్ మాంటో జీవితం ఆధారంగా రూపొందుతున్న మాంటో చిత్రంలో టైటిల్ పాత్రను పోషించాడు. ఈ నేపథ్యంలో చిత్ర ప్రమోషన్లో భాగంగా హైదరాబాద్లో తెలుగు ఫిల్మీబీట్తో మాటాడారు. ఈ సందర్భంగా ఆయన చెప్పిన విషయాలు ఇవే..
విప్లవాత్మక రచయిత
మాంటో గొప్ప రచయితనే కాదు. సమాజంలో జరుగుతున్న అన్యాయాలపై అప్పట్లోనే విప్లవాత్మక స్వరాన్ని వినిపించారు. ధైర్యానికి, స్వేచ్చకు ప్రతీకలుగా నిలిచారు. అలాంటి వ్యక్తి కథలు చదువుతూ పెరిగాను. ఆ పాత్రలో నటించే అవకాశం రావడంతో కాదనలేకపోయాను.
మాంటోకు న్యాయం చేశా
మాంటో సినిమాను చేయాలని నందితాదాస్ ఈ పాత్రను ఆఫర్ చేసినప్పుడు సంతోషంగా ఫీలయ్యాను. మాంటోగా పాత్రలో ఒదిగిపోయి న్యాయం చేస్తానని చెప్పాను. మిగితా విషయాలు మీరే చూసుకొండి అని చెప్పాను. ముందుగా అనుకొన్న ప్రకారమే సినిమాను అద్భుతంగా నందిత తెరకెక్కించారు.
రజనీ అద్భుతమైన వ్యక్తి
సూపర్స్టార్ రజనీకాంత్, దర్శకుడు కార్తీక్ సుబ్బరాజు కాంబినేషన్లో వస్తున్న పెట్ట చిత్రంలో తొలిసారి దక్షిణాది చిత్ర పరిశ్రమకు పరిచయం అవుతున్నాను. రజనీకాంత్ అద్బుతమైన నటుడనేది నేను కొత్తగా చెప్పేది కాదు. ఆయన స్టార్ హీరో అయినప్పటికీ ఆయన సామాన్యుడిగా ఒదిగి ఉండటం గొప్ప విషయం. రజనీకాంత్ పక్కన నటించే అవకాశం రావడం అదృష్టంగానే భావిస్తాను.
తెలుగులో ఆఫర్ వస్తే
నాకు భాష, ప్రాంతం అనే భేదాభిప్రాయాలు లేవు. తెలుగులో కూడా నేను నటించడానికి సిద్ధం. మంచి పాత్ర, సినిమా వస్తే ఎప్పుడూ రెడీగా ఉంటాను. తెలుగులో నటించాలనే కోరిక కూడా ఉంది.
కేసీఆర్ బయోపిక్పై
తెలంగాణ ముఖ్యమంత్రి కే చంద్రశేఖర్ రావు బయోపిక్లో నటిస్తున్నాననే విషయంపై నాకు క్లారిటీ లేదు. ఎవరూ నన్ను సంప్రదించలేదు. కానీ వార్తలు మాత్రం నా దృష్టికి వచ్చాయి. ఒకవేళ అలాంటి అవకాశం వస్తే తప్పకుండా కేసీఆర్ పాత్రలో నటిస్తాను. ఓ ప్రాంత ప్రజల ఆక్షాంక్ష కోసం పోరాటం చేసిన యోధుడి పాత్రలో నటించే అవకాశం వస్తే కాదను అని నవాజుద్దీన్ సిద్దిఖీ అన్నారు.
నందితాదాస్ దర్శకురాలిగా
నటి, రచయిత, నిర్మాత, దర్వకురాలు నందితా దాస్ ఈ సినిమాను రూపొందించారు. ఈ చిత్రం సెప్టెంబర్ 21న విడుదల అవుతున్నది. ఈ సినిమాను రూపొందించడం ఓ సవాల్తో కూడుకొన్నది అని దర్శకురాలు నందితాదాస్ అన్నారు.