లాక్‌డౌన్‌లో అలాంటి పనులు చేశా.. అదే మొదటిసారి అంటూ నిధి అగర్వాల్

వ్యాక్సిన్ వస్తేనే కాలు బయటపెడుతా

లాక్‌డౌన్ సమయంలో బయట కాలు పెట్టలేదు.. ఇక ముందు కూడా పెట్టను. వ్యాక్సిన్ వచ్చేంత వరకు నేను బయటకు రాను. లాక్‌డౌన్‌లో కేవలం నా పెంపుడు కుక్కలను తిప్పేందుకే బయటకు వచ్చాను. అప్పుడు కూడా మాస్క్, గ్లౌవ్స్, ముఖానికి షీల్డ్, శానిటైజర్‌తో బయటకు వచ్చేదానిని. మళ్లీ ఇంట్లోకి వెళ్లినప్పుడు వెంటనే బట్టలు మార్చుకొని స్నానం చేసేదానిని. నా పెంపుడు కుక్కలకు కూడా శానిటైజ్ చేసే దానిని అంటూ నిధి అగర్వాల్ చెప్పారు. గత నాలుగు నెలల్లో లాక్‌డౌన్‌లో చేసిన పనులను మీడియాకు తెలియజేస్తూ..

ఇన్ని రోజులు ఇంట్లో ఉండటం

నా కెరీర్ ప్రారంభించినప్పటి నుంచి నాకు తెలిసి ఒకట్రెండ్ రోజుల కంటే ఎక్కువగా ఇంట్లో ఉండలేదు. కానీ లాక్‌డౌన్ పుణ్యమా అని మూడు నెలలుగా ఫ్యామిలీతోనే ఉండే అవకాశం దక్కింది. నేను, నా సోదరి తన్వీ, పేరెంట్స్, నా పెంపుడు కుక్కులతో హౌస్‌ఫుల్ అయిపోయింది. ఇంట్లో వంటలు, ఇతర పనులు అంతా కలిసే చేస్తాం. గత మూడు నెలలుగ హ్యాపీగా గడిచిపోయింది అని నిధి అగర్వాల్ పేర్కొన్నారు.

ఫ్యాషన్, డిజైనర్ డ్రెస్సెస్ గురించి

ఇక ఫ్యాషన్, డిజైనర్ బట్టలు అనే విషయాన్ని లాక్‌డౌన్‌లో పూర్తిగా మరిచిపోయాను. నా జీవితంలో ఎప్పడూ లేని విధంగా ఇన్ని రోజులు కేవలం పైజామాలు వేసుకోవడం ఇదే మొదటిసారి. ఇంట్లో నుంచి బయటకు వెళ్లే పరిస్థితి లేకపోవడం, పార్టీలకు దూరంగా ఉండటం మూలాన దుస్తులు కొనడం జరగలేదు అని నిధి చెప్పారు.

హెల్త్ టిప్స్ చెబుతూ..

కరోనా పరిస్థితుల కారణంగా ఆరోగ్యంపై చాలా జాగ్రత్త తీసుకొన్నాను. బట్టలు, ఆహారం విషయంలో ఎక్కువ కేర్ తీసుకొన్నారు. ముంబై నుంచి కూడా ఎక్కువగా దుస్తులు తీసుకురాలేదు. ప్రస్తుత పరిస్థితుల్లో జీన్స్ వేసుకోవడం కూడా మంచిది కాదనిపించింది. బయట ఫుడ్ పూర్తిగా మానేశాను. కేవలం ఇంట్లో వండిన ఆహారమే తీసుకొన్నాను అని నిధి అగర్వాల్ అన్నారు.

ఆన్‌లైన్‌లో యాక్టింగ్ కోర్సులతో

గత మూడునెలల కాలంలో నా వద్ద చాలా సమయం ఉండటంతో సద్వినియోగం చేసుకోవాలని అనుకొన్నాను. దాంతో నా యాక్టింగ్స్‌ స్కిల్స్‌కు పదనుపెట్టాను. ఆన్‌లైన్‌లో కొన్ని కోర్సుల్లో చేరి యాక్టింగ్, డ్యాన్స్ నేర్చుకొన్నాను. కొన్ని టెక్నికల్ విషయాలు కూడా నేర్చకొన్నాను. ఆన్‌లైన్ కోర్సుల ద్వారా చాలా విషయాలు తెలుసుకొన్నాను అని నిధి అగర్వాల్ తెలిపారు.

Recommended Video

Nidhi Agarwal Purchased Grand New Porsche Macan

నిధి అగర్వాల్ కెరీర్ గురించి

ఇక నిధి అగర్వాల్ కెరీర్ విషయానికి వస్తే.. మున్నా మైఖేల్ చిత్రంతో బాలీవుడ్‌లో అడుగుపెట్టారు. ఆ తర్వాత అక్కినేని నాగచైతన్యతో సవ్యసాచి చిత్రంలో నటించడం ద్వారా తెలుగు ప్రేక్షకులకు పరిచయం అయ్యారు. మిస్టర్ మజ్ను, ఇస్మార్ట్ శంకర్ చిత్రాలు మంచి గుర్తింపు తెచ్చాయి. ప్రస్తుతం భూమి అనే తమిళ చిత్రంలోపాటు యువ హీరో అశోక్ గల్లా సినిమాలోనూ, జేమ్స్ అనే కన్నడ చిత్రంలోను నటిస్తున్నారు.