అల్లు అర్జున్‌ను పెళ్లి చేసుకోవాలని కలలు కన్నా.. అంతగా అభిమానించాను..

ఈ రెస్పాన్స్‌ను ఊహించలేదని

లవర్స్ డే సినిమా (మలయాళంలో ఓరు ఆడార్ లవ్) చిత్రానికి ఇంత మంచి రెస్సాన్స్ వస్తుందని అనుకోలేదు. మలయాళంలో ఈ సినిమాకు మంచి స్పందన వస్తున్నది. నా తొలి సినిమాకు అన్ని భాషల్లో ఇంత మంచి రెస్పాన్స్ వస్తుందని ఊహించలేదు. చిత్ర యూనిట్ అందరికీ మంచి పేరు రావడం మరింత ఆనందం కలిగిస్తున్నది.

ప్రశంసలు కురిపిస్తూ సందేశాలు

లవర్స్ డే సినిమా చూసిన తర్వాత గాధా పాత్రకు మంచి రెస్పాన్స్ వస్తున్నది. నా పాత్రపై ప్రశంసలు కురిపిస్తూ మెసేజ్ పంపిస్తున్నారు. రివ్యూలు చాలా బాగా వచ్చాయి. గాధా పాత్ర గురించి మంచిగా మాట్లాడుకోవడం ఆనందంగా ఉంది. నన్ను ప్రోత్సాహించిన ప్రతీ ఒక్కరికి నా థ్యాంక్స్. ఈ ఉత్సాహంతో మరిన్ని మంచి సినిమాలు చేస్తాను.

పెళ్లి చేసుకోవాలని కలలు కన్నాను

లవర్స్ డే ఆడియో ఫంక్షన్‌కు స్టైలిష్ స్టార్ అల్లు అర్జున్ చీఫ్ గెస్ట్‌గా రావడంతో హ్యాపీగా ఫీలయ్యాను. నా చిన్నతనంలో మలయాళంలోకి డబ్బింగ్ అయిన అల్లు అర్జున్ సినిమాలు బన్నీ, హ్యాపీ బీ హ్యాపీ చూశాను. చిన్నతనంలో తెర మీద అల్లు అర్జున్‌ను చూసి పెళ్లి చేసుకోవాలని కలలు కన్నాను. ఆయనను అంతగా అభిమానించాను.

అల్లు అర్జున్ కలుసుకోవడం గురించి

నేను అమితంగా ప్రేమించే అల్లు అర్జున్‌ను నా తొలి సినిమా విడుదలకు ముందే కలుసుకోవడం ఎక్సైటింగ్‌గా అనిపించింది. ఆడియో రిలీజ్ తర్వాత అల్లు అర్జున్‌ను కలిశాను. ఆయన పక్కన నిలుచుంటే నాకు షేక్ హ్యాండ్ ఇచ్చారు. ఆయనతో ఫోటో కూడా దిగాను.

నిర్మాత గురురాజ్ ఇచ్చిన అతిథ్యానికి ఫిదా

లవర్స్ డే సినిమా ప్రమోషన్ కోసం నేను తొలిసారి హైదరాబాద్ వచ్చాను. ఇక్కడ నిర్మాత గురురాజ్, ఆయన కుటుంబం ఇచ్చిన ఆతిథ్యం చాలా ఆకట్టుకొన్నది. తెలుగు వారంతా మమల్ని గుండెల్లో పెట్టుకొని చూసుకొన్నారు. వారు కురిపించిన ప్రేమ ఎప్పటికీ గుర్తుంటుంది అని నూరీన్ షరీఫ్ అన్నారు.