ఆ సినిమా కోసం హద్దులన్నీ చెరిపేశా.. 40 రోజులు నరకం చూశా

వాళ్లకు ఎంత కావాలో అంత ఉంటుంది..

సినిమా అంటే అందులో అన్ని ఉంటాయి. రొమాన్స్ కూడా ఓ పార్టే. టీజర్, పోస్టర్లో చూసింది కొంతే.. అలాంటివన్ని సినిమాలో ఓ పార్ట్. నా ఫ్యాన్స్ ఎంత కోరకుంటారో.. ఈ సినిమాలో అంత ఉంటుంది. ఈ సినిమాలో అన్నీ ఉన్నాయి. రొమాంటిక్, యాక్షన్ ఇలా అన్నీ ఉన్నాయి. నేను ఫస్ట్ టైమ్ యాక్షన్ కూడా చేశాను..

హద్దులన్నీ చెరిపేశాను.. చేయాల్సిన దానికంటే ఎక్కువే చేశాను..

ఈ సినిమాలో యాక్షన్ సీన్స్ చేసేటప్పుడు నా వేలికి కూడా గాయమైంది. నేను ఈ సినిమా కోసం ఎంతో కష్టపడ్డాను. ఈ మూవీ కోసం నా బౌండరీస్ అన్నీ చెరిపేశాను. ఈ సినిమాకు చేయాల్సిన దానికంటే ఎక్కువే చేశాను. ఆర్ ఎక్స్ 100 కంటే ఎక్కువగానే కష్టపడ్డాను.

ఊరికోసం నిలబడే అమ్మాయి..

ఈ సినిమాలో నా పాత్ర పేరు అలివేలు. ఓ సామాజిక కార్యకర్తను. పాపికొండలు గ్రామం కోసం పనిచేసేందుకు అక్కడికి వెళ్తాను అక్కడ ఎదురైన సమస్యలు.. ఆ ఊరి కోసం నిలబడే, పోరాడే వ్యక్తిగా నేను కనిపిస్తాను. ఊరి మంచి కోసం ఎంతదూరమైనా ఎవరితోనైనా తలబడే పాత్రను పోషిస్తున్నాన్ను.

40 రోజులు నరకం చూశా..

నేను పుట్టి పెరిగిందంతా ఢిల్లీలోనే. నాకు సిటీ వాతావరణమే తెలుసు. అయితే ఈ మూవీ షూటింగ్ కోపం పాపికొండల్లో నలభై రోజులు షూటింగ్ చేశాం. అక్కడున్నన్ని రోజులు నాకు నరకం కనిపించింది. లగ్జరీ హోటల్స్ లేవు, తినడానికి, పడుకోడానికి కూడా చాలా కష్టపడ్డాను. అయితే అది కూడా ఓ మంచి ఎక్స్ పీరియెన్సే. అక్కడి వాతావరణం, సహజమైన ఫుడ్ ఇలా ప్రతీది ఆస్వాధించా. మళ్లీ మళ్లీ అలాంటి చాన్స్ రాదు కదా. ఈ వచ్చే వారం ప్రేక్షకుల ముందుకు రానుంది.