ప‌బ్‌ల‌కు, పార్టీలకు వెళ్ల‌డ‌ం.. రియ‌ల్ లైఫ్‌కు ద‌గ్గ‌ర‌గా.. ప్రియా వ‌డ్ల‌మాని

సైలెంట్‌గా ఉండే పాత్రలో

ఈ సంద‌ర్భంగా హీరోయిన్ ప్రియా వ‌డ్ల‌మాని పాత్రికేయుల‌తో మాట్లాడుతూ ....
``నాది హైద‌రాబాద్‌. మూడేళ్ల క్రితం ఫేస్‌బుక్ ద్వారా ఓ సినిమా ఆఫ‌ర్ వ‌చ్చింది. అయితే కొన్ని కార‌ణాల‌తో ఆ సినిమా ఆగిపోయింది. త‌ర్వాతే ప్రేమ‌కు రెయిన్ చెక్ సినిమాలో న‌టించే అవ‌కాశం ద‌క్కింది. ఇందులో నేను చాలా సైలెంట్‌గా ఉండే పాత్ర‌లో న‌టించాను.

ప‌బ్‌ల‌కు, పార్టీల‌కు వెళ్ల‌డ‌మే కాదు

ప్రేమ రెయిన్ చెక్ సినిమాలో త‌న ప్ర‌పంచంలో తాను ఉండే హీరోయిన్‌ పాత్రలో కనిపిస్తాను. ఇప్ప‌టి అమ్మాయి అంటే ప‌బ్‌ల‌కు, పార్టీల‌కు వెళ్ల‌డ‌మే కాదు.. మంచి సహృద‌యురాలై ఉంటుంది. జీవితంలో కొన్ని విలువ‌లుంటాయి. విదేశాల్లో చదువుకోవాల‌ని ఉన్నా.. త‌ల్లిదండ్రుల‌పై ఆధార‌ప‌డ‌కుండా చ‌దువుకోవాల‌ని అనుకుంటుంది.

రియ‌ల్ లైఫ్‌కు ద‌గ్గ‌ర‌గా

నిజ జీవితంలో నేను కూడా కామ్‌గానే ఉంటాను. నా రియ‌ల్ లైఫ్‌కు ద‌గ్గ‌ర‌గా ఉండే పాత్ర‌. నాకు అడ్వేంచ‌ర్స్ అంటే ఇష్టం. అందుకే ఎటువంటి డూప్ లేకుండా నేనే న‌టించాను. అందుకు కారణం ఈ సినిమాలో నేను అడ్వెంచ‌రెస్ విష‌యాల‌ను హ్యాండిల్ చేసే కంపెనీలో ప‌నిచేస్తుంటాను. కాబ‌ట్టి క్యారెక్ట‌ర్ ప‌రంగా అడ్వెంచ‌ర‌స్ థింగ్స్ చేయాల్సి ఉంటుంది. కాబ‌ట్టి అడ్వెంచ‌ర‌స్ విష‌యాల‌ను డూప్ లేకుండా చేశాను అని ప్రియా పేర్కొన్నారు.

ట్ర‌యాంగిల్ ల‌వ్‌స్టోరీలా

ప్రేమ రెయిన్ చెక్ చిత్రం ట్ర‌యాంగిల్ ల‌వ్‌స్టోరీలా ఉంటుంది కానీ.. ట్ర‌యాంగిల్ ల‌వ్‌స్టోరీ కాదు. సాధార‌ణంగా మ‌నం ఎవ‌రికైనా స‌హాయం చేసిన‌ప్పుడు..వారు మ‌న‌కు వెంట‌నే స‌హాయం చేయాలంటే..వెంట‌నే స‌హాయం తీసుకోకుండా.. ఇప్పుడు కాదు.. నేను అడిగిన‌ప్పుడు స‌హాయం చెయ్ అనడాన్ని రెయిన్ చెక్ అంటారు.

టైటిల్ ఎందుకు పెట్టామంటే

ఇక టైటిల్ విష‌యానికి వ‌స్తే.. ఇందులో హీరో ఆఫీస్ వ్య‌వ‌హారాల‌కు, ప్రేమికురాలికి లింక్ ఉండ‌కూడ‌ద‌నుకునే వ్య‌క్తి. అందుక‌నే.. ఈ సినిమాకు ప్రేమ‌కు రెయిన్ చెక్ అనే టైటిల్‌ను పెట్టాం. డైరెక్ట‌ర్ ఆకెళ్ళ పేరి శ్రీనివాస్‌గారు చ‌క్క‌గా అంద‌రి నుండి త‌న‌కు కావాల్సిన న‌ట‌న రాబ‌ట్టుకున్నారు. సినిమా ప్రారంభానికి ముందే ఒక‌టిన్న‌ర నెల ముందు నుండి వ‌ర్క్‌షాప్స్ చేయ‌డం వ‌ల్ల సుల‌భంగా న‌టించ‌గలిగాను`` అన్నారు.