నా కెరీర్‌లో ఫస్ట్ టైమ్ అలాంటి చిత్రం.. అది జనసేన కాదు మనసేన.. ఆర్జీవీ కామెంట్స్

కెరీర్‌లో ఫస్ట్ టైమ్..

కమ్మ రాజ్యంలో కడప రెడ్లు అనే చిత్రం సందేశాత్మక చిత్రమని, తన కెరీర్‌లోనే మొట్టమొదటి మెసెజ్ ఓరియెంటెడ్ చిత్రమని పేర్కొన్నాడు. భవిష్యత్తును ఊహించిన తెరకెక్కించిన కల్పితగాథ అని, ఇందులో నిజజీవితంలో ఉన్న కొందరి వ్యక్తులను పోలి ఉండటం కేవలం యాదృచ్చికమేనని అన్నాడు.

వారికే అంకితం..

లక్ష్మీస్ ఎన్టీఆర్ చిత్రాన్ని నందమూరి బాలకృష్ణకు అంకితమిస్తున్నట్టుగా చెప్పిన ఆర్జీవీ.. ఈ చిత్రాన్ని మాత్రం ప్రఖ్యాతి గాంచిన తండ్రీ కొడుకులకు ఇస్తానని తెలిపాడు. అయితే వారెవరో మాత్రం తాను చెప్పనని, అడగొద్దని మీడియాను కోరాడు.

ఆయన్ను పట్టించుకోవడం మానేశాను..

కేఏ పాల్‌పై ఓ సాంగ్‌ను విడుదల చేయగా..అది ఎంతగా పాపులర్ అయిందో అందరికీ తెలిసిందే. ఈ పాటపై కేఏ పాల్ తీవ్ర స్థాయిలో మండిపడితూ ఆర్జీవీపై అంత ఎత్తుకు లేచాడు. ఇదే విషయాన్ని వర్మ వద్ద ప్రస్థావిస్తే.. ఆయన్ను పట్టించుకోవడం మానేశానని, ఆయన ప్రస్తుతం ప్రపంచ యుద్దాలను ఆపే పనిలో బిజీగా ఉన్నాడని సెటైరికల్‌గా స్పందించాడు.

అది జనసేన కాదు..

ఈ చిత్రంలో పవన్ కళ్యాణ్‌ను చూపించానని అందరూ అంటున్నారు అది నిజం కాదని.. అతను పవన్ కళ్యాణ్‌ను పోలిన వ్యక్తి అని అంతేకాకుండా అతని పార్టీ పేరు మనసేన అని అన్నాడు. ఆ పార్టీకి జనసేనకు సంబంధం లేదని చెప్పుకొచ్చాడు.

ఆ సీన్ వాళ్లకే బాగా నచ్చింది..

ట్రైలర్‌లో చూపించిన ఓ సీన్ (తన కొడుక్కు ప్రేమగా పప్పు వడ్డించడం) తెలుగు దేశం పార్టీ వాళ్లకే బాగా నచ్చిందని, ఫోన్‌లు చేసి మరీ చెబుతున్నారని అన్నాడు. వారికి ఎందుకు నచ్చిందో మీకే (మీడియా) తెలియాలన్నాడు.

సినిమా అందుకే చూడాలి..

మంచి భోజనం అంటే పప్పు అంటే.. మనందరం మంచి భోజనం ఎందుకు చేయాలంటే.. అందుకు ఈ సినిమాను చూడాలని చెప్పుకొచ్చాడు. మహారాష్ట్ర రాజకీయాలపై సినిమా అంటే మరో సర్కార్ తీయాలన్నాడు. దెయ్యాలు, గ్యాంగ్ స్టర్ చిత్రాల కంటే పొలిటికల్ క్రైమ్‌ బాగా ఉంటోందని అందుకే ఇటు వైపు వచ్చానని తెలిపాడు.