అదెప్పుడు మైనస్‌గా ఫీల్ కాలేదు.. ఆ సీన్ మా ఇంట్లోదే అనిపించింది.. సాయి ధరమ్ తేజ్ కామెంట్స్

కథ చెప్పగానే చిరు రియాక్షన్..

ఈ కథను చిరంజీవికి చెప్పగానే బాగుందని అన్నట్లు తేజు చెప్పుకొచ్చాడు. అయితే ఎలా తీస్తాడో చూస్తానని తెలిపాడు. ఇంకా ఈ సినిమాను చిరంజీవికి చూపించలేదని, చూశాక ఏమంటారో చూడాలని చెప్పుకొచ్చాడు.

అదెప్పుడు మైనస్‌గా ఫీల్ కాలేదు..

మెగా ఫ్యామిలీ నుంచి వచ్చానని, మెగా హీరో అనే ట్యాగ్‌ను తానెప్పుడు మైనస్‌గా ఫీల్ కాలేదని చెప్పుకొచ్చాడు. అయితే మెగాస్టార్ ఇంటి నుంచి వచ్చాను కాబట్టి ఆ స్టాండర్డ్స్ మెయింటెన్ చేయాల్సి వస్తుంది.. ఏ పని చేసినా ఓ బాధ్యతతో మెలగాల్సి ఉంటుందని అన్నాడు. వారిని రీచ్ కాకపోయినా.. వారి స్టాండర్డ్స్‌ను తగ్గించేలా మాత్రం చేయకూడదని అనుకుంటానని తెలిపాడు.

ఆ సీన్ మా ఇంట్లోదే..

ఈ మూవీ చేస్తున్నంతసేపు, సత్య రాజ్‌ను మా సొంత తాతలానే ఫీల్ అయ్యానని తెలిపాడు. బయట తానెలా ఉంటాడో ఈ చిత్రంలో అలాగే నటించానని పేర్కొన్నాడు. డైనింగ్ టేబుల్ వద్ద అందరూ కూర్చొని ఉండే సీన్ మాత్రం వారింట్లో జరిగినట్టుగా అనిపించిందన్నాడు. ఆదివారం వస్తే చాలు చిరంజీవి ఇంట్లో అందరం కలవడం, ప్రతీ పండగకి ఒకే చోట చేరడం లాంటి సీన్లు కనెక్ట్ అయ్యాయని చెప్పుకొచ్చాడు.

ఈ వర్కౌట్లు సరిపోవన్నాడు..

చిత్రలహరి కోసం లావైన సాయి ధరమ్ తేజ్.. ప్రతీరోజూ పండగే కోసం బాడీని బిల్డప్ చేసుకున్నాడు. అయితే దీనికోసం చాలానే కష్టపడ్డట్టు తెలిపాడు. ఓ రోజు జిమ్‌లో వర్కౌట్లు చేస్తుంటే.. అది చూసిన చరణ్.. ఈ వర్కౌట్లు సరిపోవని.. తన ట్రైనర్‌ను పంపాడని తెలిపాడు.