Don't Miss!
- News నామినేషన్ల పర్వంలో టీడీపీకి ఊహించని షాక్
- Sports SRH vs RCB: కొంపముంచిన విరాట్ కోహ్లీ జిడ్డు బ్యాటింగ్!
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
అజ్ఞాతవాసికి నష్టం వస్తే.. రెమ్యునరేషన్ తిరిగి ఇచ్చేశా.. నన్ను నేను తిట్టుకొన్నా!
పవర్స్టార్ పవన్ కల్యాణ్, త్రివిక్రమ్ శ్రీనివాస్ కాంబినేషన్కు చెప్పలేనంత క్రేజ్ ఉంటుంది. వీరిద్దరి కాంబినేషన్లో కోబలి అనే సినిమా చేయాల్సింది. కొన్ని కారణాల వల్ల ఆ చిత్రం పట్టాలెక్కలేదు. కానీ ఆ సినిమా ప్యార్లల్ (సమాంతర) సినిమాగా తెరకెక్కిస్తాను. ఆ సినిమాకు అరవింద సినిమాకు ఎలాంటి పోలీకలు లేవు అని త్రివిక్రమ్ స్పష్టం చేశారు. అక్టోబర్ 11న అరవింద సమేత చిత్రం రిలీజ్ కానున్న నేపథ్యంలో త్రివిక్రమ్ తెలుగు ఫిల్మీబీట్తో ముచ్చటించారు.
గెలుపు, ఓటములు పట్టించుకోను
గెలుపు, ఓటములను పట్టించుకోను అని చెబితే అబద్దమే. కానీ అది తాత్కాలికమే. ఏదో పనిలో పడి వాటిని త్వరగానే మరిచిపోతాం. బాక్సాఫీస్ లెక్కల విషయంలోనే అదే తీరు ఉంటుంది. హిట్టయితే దానిని మోసుకొంటూ తిరగను. దాని గురించే చెప్పుకొంటూ, పిసుక్కుంటూ ఉండను. ఆ సమయానికి ఎంజాయ్ చేస్తాను.
ఆయనను బాధపెట్టడం ఇష్టం లేదు.. అందుకే మౌనం.. అత్తారింటికి దారేది తర్వాత.. త్రివిక్రమ్
బాధపడుతాను.. కానీ
అత్తారింటికి దారేది హిట్ అయినా, అజ్ఞాతవాసి చిత్రం ఫ్లాప్ అయినా నేను ఒకేలా ఉంటాను. కొంతసేపు బాధపడుతాను. ఆ తర్వాత ఏమిటనే దానిపై దృష్టిపెడుతాను. ఖలేజా సినిమా ఫ్లాఫ్ అయినప్పటికి అందరూ గొప్పగా చెబుతుంటారు. అలా చెప్పినప్పుడు పెద్దగా పట్టించుకోను. వారిని బ్లాంక్గా చూస్తాను.
నిర్మాతకు డబ్బు తిరిగి ఇచ్చేశాను
అజ్ఞాతవాసి సినిమా కాపీరైట్ విషయంలో నేను చేయాల్సింది చేశాను. వారు పెద్దగా పట్టించుకోలేదు. ఒకవేళ వాళ్లు నా వద్దకు వచ్చి నష్టపరిహారం అడిగితే.. బాధపడైనా ఇచ్చే వాడిని. నిర్మాత చినబాబు నష్టపోతే నా రెమ్యునరేషన్ను తిరిగి ఇచ్చేశాను. సినిమా నచ్చకపోవడానికి లక్ష కారణాలు ఉంటాయి. నచ్చకపోవడానికి అంతే కారణాలు ఉంటాయి.
ప్రశంసలకు లొంగిపోను.. పట్టించుకోను
రచయితగా, డైరెక్టర్గా నన్ను విడదీసుకొని చూసులేను. నేను సినిమాలు తీసినా రచయితగా బాగా రాస్తాడని అంటారు. దానిని ముళ్ల కిరీటం భావించను. నన్ను మాటల మాంత్రికుడు అంటే పెద్దగా పట్టించుకోను. ఎవరైనా యాంకర్లు నా గురించి చెప్పడం ప్రారంభించకముందే స్టేజి ఎక్కేస్తాను. నా గురించి గొప్పగా చెప్పడం నాకు ఇష్టం ఉండదు.
మంచి సినిమాల చూసి
నేను ప్రతీ సినిమాను థియేటర్కు వెళ్లి చూస్తాను. మంచి సినిమా చూసిన ప్రతీసారి ఈర్ష్యతో రగలిపోతాను. నన్ను నేను తిట్టుకొంటాను. మంచి సినిమా తీయాలని అనుకొంటున్నాను. అర్జున్ రెడ్డి, రంగస్థలం, కేరాఫ్ కంచెర్లపాలెం, పెళ్లిచూపులు, ఆర్ఎక్స్ 100, గూఢచారి లాంటి చిత్రాలు బాగా నచ్చాయి. గూఢచారి చిత్రాన్ని పరిమితమైన బడ్జెట్తో బాగా తీశారు.