పాటలు లేకుండా సినిమా తీస్తా.. ఆ కథ పవన్ కల్యాణ్ కోసం.. త్రివిక్రమ్ (ఇంటర్వ్యూ)

కోబలి సినిమాకి సంబంధం లేదు

పవన్ కల్యాణ్‌తో తెరకెక్కిద్దామనుకొన్న కోబలి సినిమాకు అరవింద సమేత చిత్రానికి సంబంధం లేదు. అది పూర్తిగా వేరే కథ, ఇది వేరే కథ. అయితే ఆ కథను మరో రకంగా తీస్తాను. దానిని సమాంతర సినిమాగా తెరకెక్కిస్తా. పాటలు లేకుండా కేవలం కథనే చెప్పాలనే ప్రయత్నం చేస్తున్నాను.

కోబలి కోసం పరిశోధన హెల్ప్ అయింది

కాకపోతే కోబలి సినిమా కోసం పనిచేసిన అనుభవం ఈ సినిమాకు పనికి వచ్చింది. ఆ సినిమా కోసం పరిశోధన చేసే సమయంలో కొంత మంది రాయలసీమ కవులతో పరిచయం ఏర్పడింది. తిరుమల రామచంద్రయ్యతో పరిచయం ఏర్పడింది.

ఆ పరిశోధన వల్లనే పెనిమిటి పాట

తిరుమల రామచంద్రయ్య గారి గురించి వినడం తప్ప చూసింది లేదు. తనికెళ్ల భరణి ఇచ్చిన హంపి నుంచి హరప్ప అనే పుస్తకం ద్వారా నాకు రాయలసీమ గురించి బాగా తెలిసింది. రాయలసీమలోని కడప, అనంతపురం ప్రాంతాల్లోని కరువు బలవంతంగా ఏర్పడింది. ఆ పరిశోధనలోనే పెనుమిటి పాట వచ్చింది.

హీరోపై పెనిమిటి పాటను

అరవింద సమేత పెనిమిటి పాటను హీరోపైనే షూట్ చేయడం కరెక్టే. తన తల్లి గురించి పాడే పాట. పాటలో 60 శాతం మేర సీన్లు కనిపిస్తాయి. 40 శాతం హీరో కనిపిస్తాడు. సినిమాలో హీరో తల్లిని రాయలసీమలో ఉండే ప్రతీ తల్లి ఆవేదనను, కష్టాన్ని చూపించాం.