అల్లు అర్జున్ నాకు ఫ్రెండ్ కాదు.. చిరంజీవి వచ్చారంటే.. వారిని పట్టించుకోను.. విజయ్ దేవరకొండ

ఒక్క రోజులో స్టార్‌ని కాలేదు

నాకు స్టార్ స్టేటస్ ఒక్కరోజులో రాలేదు. హీరోగా నిలదొక్కుకోవడానికి ఎంత కష్టపడ్డానో నాకే తెలుసు. ఇక నా స్టార్ హోదాపై కొందరికి కంటగింపు, జెలసీ ఉండొచ్చు. దానిని కాదనలేను. నేను వారి నుంచి ఎలాంటి సమస్యలు లేవు. నేను పట్టించుకోను.

ఎక్కువగా ఎవర్నీ కలువను

సాధారణంగా ఇండస్ట్రీలో నేను ఎవరితోనూ ఎక్కువగా మాట్లాడను. నేను పనిచేసే టీమ్‌తో, నా బాల్య స్నేహితులతో కలిసి ఉంటాను. నా పని పూర్తయిన తర్వాత నా లైఫ్ నాదే. వేరే వారితో ఎక్కువగా కలువను. ఎవరి పని చేసుకొంటే వారికి మంచిదనే అభిప్రాయం నాది.

చిరంజీవి పెద్ద మనసుతో

నా సినిమా ప్రమోషన్‌కు చిరంజీవి వచ్చారంటే వారి పెద్ద మనసుతో వచ్చారు. వారికి నేను ఫ్రెండ్‌ను కాదు. నాకు పెద్దగా పరిచయం లేదు. చిరంజీవి అంటే చిన్నప్పటి నుంచి ఆరాధిస్తున్నాను. అలాంటి వ్యక్తి నా ఫంక్షన్‌కు వచ్చారంటే నాకు చాలా గొప్ప విషయం.

అల్లు అర్జున్ అన్నయ్యతో

అల్లు అర్జున్ నాకు ఫ్రెండ్ కాదు. బన్నీ అన్న నాకు ఫంక్షన్లకు వచ్చి.. ప్రమోషన్ చేస్తున్నారంటే ఆయన గొప్పతనం. గీతా ఆర్ట్స్‌లో సినిమా చేయడం వల్ల అల్లు అర్జున్‌తో మంచి రిలేషన్ ఏర్పడింది. ఇక నన్ను చూసి, నా సక్సెస్ చూసి ఎవరైనా నొచ్చుకొంటే పట్టించుకోను. ఎవరైనా నా ఫెయిల్యూర్స్‌ను చూసి ఎంజాయ్ చేస్తే చేసుకోమని చెబుతాను.

నోర్లు మూయిస్తా

నేను ఎలాంటి సినిమాలు చేస్తున్నానో నాకు తెలుసు. ప్రస్తుతం నేను ఎంపిక చేసుకొంటున్న సినిమాలు ఎలాంటివో నాకు తెలుసు. అవి రిలీజ్ అయితే వాళ్లు నోర్లు మూతపడుతాయి. నన్ను చూసి ఈర్ష పడేవారికి నా సినిమాలే సమాధానం చెబుతాయి.