ఆ ట్రాక్ ఒక్కటే అర్జున్ రెడ్డిలా.. డాడీ రిఫరెన్స్‌తో ఆ పాత్ర.. విజయ్ దేవరకొండ కామెంట్స్

ఎక్కువగా ఇన్వాల్వ్ అయ్యారట..

ప్రీ రిలీజ్ ఈవెంట్‌లో నిర్మాత కేఎస్ రామారావు మాట్లాడుతూ ఈ చిత్ర నిర్మాణంలో విజయ్ దేవరకొండనే ఎక్కువగా ఇన్వాల్వ్ అయ్యాడనే వ్యాఖ్యలను విజయ్ దేవరకొండ వద్ద ప్రస్థావిస్తే అందుకు సమాధానమిచ్చాడు. తానేమీ అలా చేయలేదనీ, పైగా ఈ మూవీ ప్రమోషన్స్‌ను ఎక్కువగా కూడా చేయడం లేదని, షూటింగ్స్ అంటూ ముంబై‌లోనే ఉన్నానని.. ఈ సినిమాకు ఎలాంటి పేరు వచ్చిన ఆ క్రెడిట్ దర్శకుడు క్రాంతి మాధవ్, సినిమాటోగ్రఫర్, నిర్మాత రామారావుదేనని స్పష్టం చేశాడు.

చాలా రోజులు పట్టింది..

వరల్డ్ ఫేమస్ లవర్ షూటింగ్‌కు చాలా సమయమే పట్టిందని చెప్పుకొచ్చాడు. శీనయ్య పాత్రలోకి మారడానికి కష్టపడ్డాడని, ఆ క్యారెక్టర్ గెటప్ ఒకలా ఉంటుందని, ఫారెన్ గెటప్ మరోలా ఉంటుందని, కాలేజ్ ఎపిసోడ్స్‌లో ఇంకోలా ఉంటుందని వాటికోసమే చాలా సమయం పట్టిందని చెప్పుకొచ్చాడు.

ఆ పాత్ర డాడీ రిఫరెన్స్‌తోనే..

శీనయ్య పాత్రకు రిఫరెన్స్ తన డాడీయే అనే సీక్రెట్ బయట పెట్టాడు విజయ్. చిన్నప్పటి తన తండ్రి ఎలా మాట్లాడేవారో, ఎలా ప్రవర్తించేవారో గుర్తుకు తెచ్చుకుని వాటినే రిఫరెన్స్‌గా తీసుకున్నానని చెప్పుకొచ్చాడు. మాట తీరు, లుంగి కట్టే విధానం ఇలా ప్రతీ ఒక్కటి ఆయన నుంచే తీసుకున్నానని తెలిపాడు.

ఆ ఒక్క ట్రాక్..

వరల్డ్ ఫేమస్ లవర్‌లో నాలుగు ట్రాక్‌ల లవ్ స్టోరీస్ ఉంటాయని తెలిపాడు. అయితే వేటికవే భిన్నంగా ఉంటాయని చెప్పుకొచ్చాడు. ఒక్క ట్రాక్ మాత్రం అర్జున్ రెడ్డిని పోలి ఉంటుందని పేర్కొన్నాడు. తనకు మాత్రం సువర్ణ-శీనయ్య ట్రాక్ ఇష్టమని చెప్పుకొచ్చాడు. ఇంతవరకు చూడని విధంగా చాలా కొత్తగా ఉంటుందని అన్నాడు.