జైలు నుంచి విడుదలైన తరువాత బుజ్జిగాడు హీరోయిన్ ఏం చేస్తుందో తెలుసా?

ఆ సినిమా ద్వారా క్లిక్కవ్వడంతో..

మొదట సంజన తెలుగు ఆడియెన్స్ కు పరిచయం అయ్యింది పూరి జగన్నాథ్, ప్రభాస్ కాంబినేషన్ లో వచ్చిన బుజ్జిగాడు సినిమా ద్వారానే. ఆ సినిమా హిట్ అవ్వకపోయినా కూడా సంజన గ్లామర్ కు మంచి క్రేజ్ దక్కింది. ఆ తరువాత మెల్లగా ఇతర అగ్ర హీరోల సినిమాల్లో అవకాశాలు అందుకునేందుకు ప్రయత్నం చేసింది. తమిళ్, కన్నడలో ఆమెకు మంచి అవకాశాలు వచ్చాయి.

ఆ ఒక్క కేసు వలన..

అయితే గత ఏడాది సంజన డ్రగ్స్ కేసులో ఇరుక్కున్న విషయం తెలిసిందే. ఆ ఒక్క కేసు వలన ఆమెపై అనేక రకాల ఆరోపణలు వచ్చాయి. క్రికెట్ బెట్టింగ్ లలో కూడా ఆమె పేరు ఉన్నట్లు కన్నడ మీడియాలో కథనాలు వచ్చాయి. అలాగే అక్రమాస్తులు కూడా ఉన్నట్లు ఆరోపణలు వచ్చిన విషయం తెలిసిందే. పలువురు రాజకీయ నాయకులకు కూడా ఆమె బినామీ అన్నట్టు రూమర్స్ వచ్చాయి.

కావాలని టార్గెట్ చేశారని..

ఇక మొత్తానికి సంజన గత ఏడాది డిసెంబర్ 13న బెయిల్ పైన జైలు నుంచి బయటకు విషయం తెలిసిందే. ఆ రోజు బయటకు వచ్చిన తరువాత సంజన చాలా ఎమోషనల్ అయ్యింది. అన్యాయంగా తనను ఈ కేసులలో ఇరికించారని కావాలనే టార్గెట్ చేశారని కూడా ఆమె సన్నిహితులకు చెప్పుకున్నట్లు తెలిసింది.

మళ్ళీ నటిగా బిజీ అవ్వాలని

ఇక కొన్ని రోజుల వరకు బాహ్య ప్రపంచానికి దూరంగా ఉంటూ రెస్ట్ తీసుకున్న సంజన మళ్ళీ నటిగా బిజీ అవ్వాలని అనుకుంటోంది. లాక్ డౌన్ కంటే ముందే ఆమె కొన్ని సినిమాలు చేయడానికి ఒప్పుకుంది. అలాగే రీసెంట్ గా ఒక తమిళ్ సినిమా చేయడానికి గ్రీన్ సిగ్నల్ ఇచ్చిందట. ఇక నుంచి నటిగా బిజీ అవ్వాలని మళ్ళీ తనను తాను నిరూపించుకోవాలని టార్గెట్ గా పెట్టుకున్నట్లు తెలుస్తోంది.