twitter
    For Quick Alerts
    ALLOW NOTIFICATIONS  
    For Daily Alerts

    ‘KGF’ టీమ్‌కు భారీ షాక్.. షూటింగ్ ఆపాలంటూ కోర్టు తీర్పు.. నిర్మాతలకు బిగ్ లాస్

    |

    కన్నడ సినీ ఇండస్ట్రీలో వరుస విజయాలతో దూసుకుపోతున్నాడు స్టైలిష్ హీరో యశ్. అక్కడ ఎన్నో సినిమాలు చేసినప్పటికీ 'కేజీఎఫ్ చాప్టర్ 1'తో దేశ వ్యాప్తంగా గుర్తింపు సంపాదించుకున్నాడు. ఈ సినిమా విడుదలైన అన్ని భాషల్లోనూ ఘన విజయం సాధించింది. దీంతో అతడి ఫాలోయింగ్ కూడా విపరీతంగా పెరిగిపోయింది. అంతేకాదు, 'కేజీఎఫ్ చాప్టర్ 2' పైనా ఆసక్తి పెరిగిపోయింది. సినీ ప్రియుల అంచనాలకు ఏమాత్రం తీసిపోకుండా ఈ సినిమా షూటింగ్ జరుగుతోంది.

    భారీ బడ్జెట్‌తో తెరకెక్కుతున్న ఈ సినిమాలో బాలీవుడ్ స్టార్ యాక్టర్ సంజయ్ దత్ ప్రతి నాయకుడి పాత్రలో కనిపించనున్నాడు. మొదటి పార్టును తెరకెక్కించిన ప్రశాంత్ నీల్ దీనికి కూడా దర్శకత్వం వహిస్తున్నాడు. ఇటీవల ప్రకటించిన జాతీయ చలన చిత్ర అవార్డుల్లో 'కేజీఎఫ్'కు బెస్ట్ యాక్షన్ విభాగంలో చోటు దక్కించుకున్న విషయం తెలిసిందే. దీంతో రెట్టించిన ఉత్సాహంో షూటింగ్ జరుపుతున్నారు. 2020లో ఈ చిత్రాన్ని విడుదల చేయడానికి నిరంతరంగా చిత్రీకరణ జరుపుతున్నారు.

    Court Gave Big Shock To KGF Unit

    ఇలాంటి పరిస్థితుల్లో 'కేజీఎఫ్' చిత్ర యూనిట్‌కు భారీ షాక్ తగిలింది. ప్రస్తుతం ఈ సినిమా షూటింగ కోలార్ ఫీల్డ్స్‌లోని సైనైడ్‌ హిల్స్‌లో జరుగుతోంది. ఈ నేపథ్యంలో కర్నాటకకు చెందిన శ్రీనివాస్ అనే వ్యక్తి.. ఈ చిత్ర షూటింగ్ వల్ల అక్కడి పర్యావరణానికి హాని కలుగుతుందని, కాబట్టి దీన్ని వెంటనే నిలిపివేయాలని కోర్టులో పిల్ వేశాడు. దీనిపై గురువారం విచారణ జరిపిన న్యాయస్థానం షూటింగ్‌ను వెంటనే ఆపివేయాలని తీర్పునిచ్చింది. దీంతో చిత్ర యూనిట్ ఏం చేయాలో తెలియక ఇబ్బంది పడుతోంది.

    మరోవైపు, సైనైడ్‌ హిల్స్‌ లాంటి లొకేషన్ల కోసం చిత్ర యూనిట్ వెదుకుతోంది. ఇది దొరకని పక్షంలో సరిగ్గా అలాంటి సెట్‌ను వేయాలని చూస్తున్నట్లు తెలుస్తోంది. అదే జరిగితే నిర్మాతలకు అదనపు ఖర్చు అవుతుందని అంటున్నారు. చాప్టర్ 1కు భారీ కలెక్షన్లు వచ్చాయి కాబట్టి, రెండో భాగం కోసం ఎక్కువ ఖర్చు చేసినా నష్టం ఉండదని కొందరు సూచిస్తున్నట్లు సమాచారం.

    English summary
    Kannada film industry's popular couple, Yash and Radhika Pandit are winning our hearts with their latest adorable video. The couple has always set major relationship goals and their new dancing video is winning our hearts.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X