Don't Miss!
- News మోదీ కరుణించిన ఎన్నికల కమీషన్ షాక్ ఇచ్చింది, తిరుగులేని నాయకుడికి రివర్స్ గేర్ !
- Technology Whatsapp File Sharing Feature వాట్సాప్లో కొత్త ఫీచర్.. సులభంగా ఫైల్స్ షేర్ చేసుకోవచ్చు..!
- Sports DC vs SRH: అందుకే ఉనాద్కత్ను పక్కనపెట్టాం: ప్యాట్ కమిన్స్
- Lifestyle మీ భార్యతో ఇలా ఎప్పుడైనా ఉన్నారా..? ఆ విషయంలో భర్త తగ్గాల్సిందే..!
- Finance HDFC Bank: అంచనాకు అనుగుణంగానే హెచ్డీఎఫ్సీ బ్యాంక్ ఫలితాలు..!
- Automobiles త్వరలోనే ఎయిర్ ట్యాక్సీ సర్వీస్.. 7 నిమిషాల్లో 30 కి.మీ జర్నీ.. ఇండిగో గుడ్ న్యూస్
- Travel తెలంగాణ టూరిజం.. హైదరాబాద్ టు షిర్డీ ఫ్లైట్ టూర్ ప్యాకేజీ..
పవర్ స్టార్ పేరుతో సుమలత రాజకీయం... సపోర్ట్ ఇవ్వడం లేదంటూ స్టేట్మెంట్!
లోక్ సభ ఎన్నికల వేళ దేశ వ్యాప్తంగా రాజకీయాలు వేడెక్కాయి. సినీ స్టార్లు సైతం ఆయా పార్టీల తరుపున, అభ్యర్థుల తరుపున ప్రచారం చేస్తున్నారు. కొందరు రాజకీయ నాయకులు పలానా సినీ స్టార్ మద్దతు తనకే ఉందంటూ వారి అభిమానుల ఓట్లకు గాలం వేసే ప్రయత్నం చేస్తున్నారు.
కన్నడ పవర్ స్టార్ పునీత్ రాజ్ కుమార్ మాత్రం అనుమతి లేకుండా ఎన్నికల్లో తన పేరును వాడుకోవడంపై అసంతృప్తి వ్యక్తం చేశారు. తాను ఏ పార్టీకి మద్దతు ఇవ్వడం లేదని, తనను రాజకీయాల్లోకి లాగొద్దు అంటూ స్టేట్మెంట్ చేశారు.
మాండ్య నుంచి సుమలత పోటీ
సినీ నటి సుమలత.. తన భర్త అంబరీష్ మరణం అనంతరం రాజకీయాల్లోకి ఎంట్రీ ఇచ్చారు. కర్నాటకలోని మాండ్య లోక్ సభ నియోజకవర్గం నుంచి ఇండిపెండెంట్ అభ్యర్తిగా పోటీ చేస్తున్నారు. ఇదే స్థానం నుంచి కర్నాటక ముఖ్యమంత్రి కుమారస్వామి తనయుడు, యంగ్ హీరో నిఖిల్ జెడి(ఎస్) తరుపున పోటీ చేస్తున్నారు.
కన్నడ పరిశ్రమ మద్దతు
సుమలతకు కెజిఎఫ్ స్టార్ యష్, దర్శన్ లాంటి హీరోలతో పాటు కన్నడ ఇండస్ట్రీలో చాలా మంది మద్దతు ఇస్తున్నారు. పవర్ స్టార్ పునీత్ రాజ్ కుమార్ మద్దతు కూడా సుమలతకు ఉందని నిర్మాత రాక్ లైన్ వెంకటేష్ ప్రకటించిన నేపథ్యంలో పునీత్ రియాక్ట్ అయ్యారు.
తాను మద్దుతు ఇవ్వడం లేదన్న పునీత్ రాజ్ కుమార్
పునీత్ రాజ్ కుమార్ విడుదల చేసిన ప్రెస్ నోట్లో...నన్ను ప్రజలు నటుడిగా మాత్రమే చూడాలి, నేను రాజకీయాలకు పూర్తిగా దూరమని స్పష్టం చేశారు. ఈ సందర్భంగా పునీత్ తన అభిమానులకు ప్రతి ఒక్కరూ విధిగా ఓటు హక్కు వినియోగించుకోవాలని, మీకు ఎవరు సరైన నాయకుడు అనిపిస్తారో, ఎవరు ఎన్నికైతే మీ భవిష్యత్, దేశ భవిష్యత్ బావుంటుందని భావిస్తున్నారో వారికే ఓటు వేయాలని సూచించారు. తాను ఏ పార్టీకి, అభ్యర్థికి ప్రచారం చేయడం లేదని తేల్చి చెప్పారు.
రెండు ఫ్యామిలీస్ తనకు సన్నిహితులే
దేవె గౌడ, అంబరీష్ రెండు ఫ్యామిలీలు తన మంచి కోరే వారే అని పూనీత్ స్పష్టం చేశారు. వారికి తన శుభాకాంక్షలు తెలియజేస్తున్నట్లు తెలిపారు. ప్రజలకు, సమాజానికి సేవ చేయడానికి దేవుడు వారికి మరింత బలం ఇవ్వాలని కోరుకుంటున్నట్లు తెలిపారు. తన పేరును రాజకీయాల్లో, ఎన్నికల్లో వాడవద్దని రిక్వెస్ట్ చేశారు.
నిర్మాత రాక్ లైన్ వెంకటేష్ ఏమన్నారంటే..
అయితే పునీత్ ఈ ప్రకటన చేయడానికి ముందు నిర్మాత రాక్ లైన్ వెంకటేష్ మాట్లాడుతూ... ‘పునీత్ రాజ్ కుమార్ పుట్టినరోజున నేను అతడికి ఫోన్ చేశాను. తనకు తానుగా... మనం సుమలతకు సపోర్ట్ ఇవ్వాలని తెలిపారు. తాను అక్క(సుమలత) తరుపున ప్రచారం చేస్తానని కూడా చెప్పారు' అని తెలిపారు.
రూల్ బ్రేక్ చేసిన శివ రాజ్ కుమార్ భార్య
కాగా.. రాజ్ కుమార్ ఫ్యామిలీ దశాబ్దాలుగా రాజకీయాలకు దూరంగానే ఉంటున్నారు. అయితే శివ రాజ్ కుమార్ భార్య గీత మాత్రం ఈ రూల్ బ్రేక్ చేశారు. 2014లో ఆమె జెడి(ఎస్) తరుపున శివమొగ్గ లోక్ సభ స్థానానికి పోటీ చేశారు.
రాజ్ కుమార్ కోడలిగా పోటీ చేయలేదు
గీత పోటీ చేయడంపై అప్పట్లో రాజ్ కుమార్ ఫ్యామిలీ స్పందిస్తూ... ఆమె డాక్టర్ రాజ్ కుమార్ కోడలిగా పోటీ చేయడం లేదని, కర్నాటక మాజీ ముఖ్యమంత్రి ఎస్ బంగారప్ప కూతురుగా పోటీ చేశారని ప్రకటించారు. కానీ ఆ ఎన్నికల్లో గీత.... అప్పటి బీజేపీ చీఫ్ బిఎస్ యడ్యూరప్ప చేతిలో ఓటమి పాలయ్యారు.