మరో పంజాబ్‌లా కాకూడదు.. డ్రగ్స్ కేసుపై సీఎం స్పెషల్ ఫోకస్!

పంజాబ్‌లా కాకుండా..

ఈ డ్రగ్స్ కేసులో కర్ణాటక రాష్ట్రం పరువు పోతోందని, దాదాపు 85 ఏళ్ల చరిత్ర ఉన్న కన్నడ చిత్ర పరిశ్రమ పరుపు కూడాపోతోందని సీఎం వాపోయారట. రాష్ట్రాన్ని మరో పంజాబ్‌లా మారకుండా కాపాడాలని ఆదేశించినట్టు పోలీసు అధికారులు చెబుతున్నారు.

ప్రతిపక్షాల ఆరోపణలు..

డ్రగ్స్ కేసులో అరెస్ట్ అయిన ద్వివేది వీడియోలను, ఫోటోలను ప్రతిపక్షాలు విడుదల చేశారు.అందులో యాడ్యురప్ప కొడుకు విజయేంద్ర (రాష్ట్ర బీజేపీ వైస్ ప్రెసిడెంట్) ఉండటం అందర్నీ ఆశ్చర్యానికి గురి చేస్తోంది. గత అసెంబ్లీ ఎన్నికల్లో ద్వివేది బీజేపీకి స్టార్ క్యాంపైనర్ అంటూ ప్రతిపక్షాలు ప్రభుత్వాన్ని టార్గెట్ చేస్తున్నాయి.

ఎంతో మంది ఉన్నారు..

కన్నడ దర్శకుడు లంకేష్, ప్రశాంత్ సంబర్గి డ్రగ్స్ కేసుపై సంచలన వ్యాఖ్యలు చేశారు. చిత్రపరిశ్రమలో పెద్ద మొత్తంలో డ్రగ్స్ వాడతారంటూ సెన్సేషనల్ కామెంట్స్ చేశారు. మరో నిర్మాత సందేశ్ నాగరజ్ ఇలాంటి కామెంట్లను ఖండించాడు. ఎవరో కొందరు డ్రగ్స్ మాఫియాతో లింక్ అయి ఉండొచ్చు అని తెలిపాడు.

పెద్ద వాళ్లు బయటకు రావాలి..

అలాంటి వారు ఒక్క శాతం ఉంటారేమో. అంత మాత్రానా సినిమా ఇండస్ట్రీ మొత్తాన్ని నిందిస్తారా? చిత్ర పరిశ్రమ మొత్తం అలాంటిదే అని ఆరోపిస్తారా? పెద్ద హీరోలు స్టార్ సెలెబ్రిటీలు బయటకు వచ్చి ఈ ఆరోపణలను ఖండించాలని, అమాయకులను కాపాడాలని సందేశ్ నాగరాజు పేర్కొన్నారు.