Don't Miss!
- News ఊపిరి పీల్చుకున్న ఉద్యాననగరి..!
- Technology ధర రూ.1099 కే నావిగేషన్ ఫీచర్ తో boAt స్మార్ట్ వాచ్! సేల్, ఫీచర్ల వివరాలు
- Sports ఆర్సీబీ తుది జట్టు అంచనా
- Finance Tata Sons IPO: టాటా సన్స్ ఐపీఓ వస్తుందా.. రాదా..!
- Lifestyle లివర్ వ్యాధి లక్షణాలు ఇవే.. వెంటనే అప్రమత్తం కావాలి..
- Automobiles హ్యుందాయ్ ఎక్స్టర్ దిమ్మ తిరిగే మైలేజ్.. ఓనర్ ఫుల్ ఖుష్.. ఫొటోలతో సహా ప్రూఫ్ ఇదిగో.!!
- Travel తెలంగాణ టూరిజం.. హైదరాబాద్ టు షిర్డీ ఫ్లైట్ టూర్ ప్యాకేజీ..
KGF Chapter 2 Release Date: కొత్త రిలీజ్ డేట్ ఫిక్స్.. బాక్సాఫీస్ యుద్ధం తప్పేట్టులేదుగా?
తెలుగు సినిమా దశ-దిశ మొత్తాన్ని బాహుబలి సినిమా ఎలా మార్చేసిందో, కన్నడ సినిమా దశ దిశను కూడా కే జి ఎఫ్ సినిమాతో మారిపోయింది. ఈ సినిమా దెబ్బతో కన్నడ సినిమా ఖ్యాతి భారతదేశానికే కాక కొన్ని ఇతర దేశాలకు కూడా పాకింది.. ఈ సినిమాకు సీక్వెల్ గా తెరకెక్కుతున్న కే జి ఎఫ్ 2 కొత్త రిలీజ్ డేట్ గురించి ఆసక్తికర ప్రచారం జరుగుతోంది. దానికి సంబంధించిన వివరాల్లోకి వెళితే
మాకూ ఓ బాహుబలి
2018 డిసెంబర్ నెలలో రిలీజ్ అయిన కే జి ఎఫ్ సినిమా ఎన్ని రికార్డులు బద్దలు కొట్టిందో ప్రత్యేకంగా చెప్పక్కర్లేదు.. ఈ సినిమా దెబ్బతో కన్నడ సినిమా కీర్తి నలుదిశలా వ్యాపించింది.. అప్పటిదాకా ఇతర భాషల సినిమాలను చూసి మురిసిపోయే కన్నడ ప్రేక్షకులు కూడా తమ సినిమా మంచి క్రేజ్ తెచ్చుకోవడంతో ఆనందంలో మునిగిపోయారు.
ఒక్క సినిమాతో సూపర్ క్రేజ్
ఈ సినిమా తర్వాత దర్శకుడు ప్రశాంత్ నీల్ కే కాక హీరో యష్ కి కూడా అనేక అవకాశాలు వచ్చిపడ్డాయి. ఇప్పటికే యష్ పలు ప్రాజెక్టులలో బిజీగా ఉండగా ప్రశాంత్ నీల్ కూడా కే జి ఎఫ్ 2 సినిమాతో సహా తెలుగులో రెండు సినిమాలు అనౌన్స్ చేశాడు.. తెలుగులో టాప్ హీరోలైన ఎన్టీఆర్ తో ఒక సినిమా ప్రభాస్ తో ఒక సినిమా చేస్తున్నాడు ప్రశాంత్.
లెక్క ప్రకారం ఈ నెలలో
అయితే ఇందులో ప్రభాస్ సినిమా షూటింగ్ ఇప్పటికే మొదలు కాగా ఎన్టీఆర్ తో సినిమా షూటింగ్ కూడా మొదలు అయ్యే అవకాశాలు కనిపిస్తున్నాయి. అయితే ప్రస్తుతం తెరకెక్కిస్తున్న కే జి ఎఫ్ 2 సినిమా విషయానికి వస్తే ఈ సినిమా రిలీజ్ డేట్ మళ్ళీ మారే అవకాశం ఉందని అంటున్నారు. కే జి ఎఫ్ 2 రిలీజ్ డేట్ ప్రకారం 16వ తేదీన రిలీజ్ కావాల్సి ఉంది.
క్రిస్మస్ సీజనే టార్గెట్
కానీ కరోనా రెండో దశ కారణంగా ఈ సినిమా విడుదల వాయిదా పడింది. తాజాగా అందుతున్న సమాచారం మేరకు ఈ సినిమాను రెండువేల 21 డిసెంబర్ నెలలో క్రిస్మస్ సీజన్లో రిలీజ్ చేసే అవకాశం ఉందని అంటున్నారు.. నిజానికి 2018లో పార్ట్ వన్ కూడా అదే సీజన్లో రిలీజ్ చేయగా క్రిస్మస్ సెలవులు బాగా కలిసి వచ్చాయి. అందుకే ఈ సారి కూడా అలాగే రిలీజ్ చేయాలని భావిస్తున్నారట. దీనికి సంబంధించిన అధికారిక ప్రకటన కూడా త్వరలో వెలువడే అవకాశం ఉందని అంటున్నారు.
Recommended Video
వార్ తప్పదా
అయితే ఈ సారి అల్లు అర్జున్ పుష్ప సినిమా కూడా అదే క్రిస్మస్ కి రావాలని భావిస్తున్న నేపథ్యంలో ఈ రెండు సినిమాలు ఒకే సమయంలో రిలీజ్ అయితే ఖచ్చితంగా బాక్స్ ఆఫీస్ వార్ తప్పదు. ఇది డైరెక్ట్ సినిమా కాకపోయినా కేజిఎఫ్ 2 మీద ప్రేక్షకుల్లో భారీ అంచనాలు ఉన్నాయి. అలాగే అల్లు అర్జున్ కూడా మొదటిసారి డీ గ్లామర్ రోల్ లో కనిపిస్తుండడంతో ఆ సినిమా మీద కూడా అంచనాలు ఉన్నాయి. ఈ నేపథ్యంలో ఈ ఇద్దరూ ఒకే సమయానికి వస్తారా లేదా అనేది ఆసక్తికరంగా మారింది.