Don't Miss!
- News కుజసంచారంతో హనుమాన్ జయంతి నుండి ఈ రాశులవారికి సిరిసంపదలు
- Sports RR vs MI: అదే మా కొంపముంచింది: హార్దిక్ పాండ్యా
- Lifestyle మామిడి పండ్లు తినడానికి ముందు నీళ్ళలో ఎందుకు నానబెట్టాలి? ఖచ్చితంగా తెలుసుకోవల్సిన విషయం
- Technology Xiaomi Smarter Living 2024 లాంచ్ ఈవెంట్ రేపే! ఏమేమి లాంచ్ అవుతున్నాయో తెలుసుకోండి
- Finance Market Closing: భారీ లాభాల్లో ముగిసిన సెన్సెక్స్-నిఫ్టీ.. క్యూ4 ఫలితాల మ్యాజిక్..
- Automobiles ఫార్చ్యూనర్ కొత్త ఎడిషన్ను లాంచ్ చేసిన టయోటా.. ఈ ‘లీడర్' ప్రత్యేకతలివే.!!
- Travel ఐఆర్సిటిసి హైదరాబాద్ టు మధ్యప్రదేశ్ ఆధ్యాత్మిక టూర్ ప్యాకేజీ..
KGF నుంచి మరో సర్ప్రైజ్: రాఖీ భాయ్ వచ్చేది ఎప్పుడో తెలిసిపోయింది
కన్నడ చిత్ర పరిశ్రమ నుంచి పాన్ ఇండియా రేంజ్ మూవీగా రూపొంది.. అన్ని చోట్లా భారీ విజయాన్ని అందుకున్న చిత్రం 'KGF Chapter 1'. కన్నడం, తెలుగు, తమిళం, హిందీ భాషల్లో సూపర్ హిట్ అవడంతో పాటు కలెక్షన్ల పరంగానూ దుమ్ము దులిపేసింది. మరీ ముఖ్యంగా డైరెక్టర్ ప్రశాంత్ నీల్ హీరో యశ్ను ఎలివేట్ చేసి చూపించిన తీరుకు సినీ ప్రియులంతా ఫిదా అయిపోయారు. అందుకే ఇది ఇండియన్ సినిమాపై ఎంతో ప్రభావాన్ని చూపించింది. అంతేకాదు, జాతీయ అవార్డుల్లో సైతం సత్తా చాటింది. దీంతో ఈ సినిమాకు సీక్వెల్ను కూడా తెరకెక్కిస్తోంది చిత్ర యూనిట్.
మొదటి భాగం సూపర్ డూపర్ హిట్ అవడంతో.. రెండో భాగం 'KGF Chapter 2'ను ఎంతో ప్రతిష్టాత్మకంగా తెరకెక్కిస్తున్నారు. తాజాగా ఈ మూవీ టీజర్ విడుదలైంది. హీరో యశ్ పుట్టినరోజు సందర్భంగా ఒకరోజు ముందుగానే దాన్ని రిలీజ్ చేశారు. దీనికి ప్రపంచ వ్యాప్తంగా ఊహించిన దాని కంటే ఎక్కువ స్పందనే వచ్చింది. మరీ ముఖ్యంగా ఈ టీజర్ వ్యూస్, లైక్స్ విషయంలో ప్రపంచ రికార్డును నెలకొల్పింది. దీంతో చిత్ర యూనిట్తో పాటు కన్నడ ప్రేక్షకులు ఫుల్ ఖుషీగా ఉన్నారు. ఈ నేపథ్యంలో ఈ సినిమా గురించి మరో గుడ్ న్యూస్ బయటకు వచ్చింది.
కేజీయఫ్ చాప్టర్ 2 టీజర్.. అదిరిపోయే షాట్స్ ఇవే
తాజా సమాచారం ప్రకారం... 'KGF Chapter 2'ను జూలై 30న ప్రేక్షకుల ముందుకు తీసుకు రావాలని భావిస్తున్నారట. ఇప్పటికే ఈ డేట్ను లాక్ చేసేసినట్లు తెలిసింది. ఇదిలా ఉండగా, చాప్టర్ 1 చివర్లో గరుడను చంపి కేజీఎఫ్ను తన సొంతం చేసుకుంటాడు రాఖీ భాయ్. ఇలాంటి సమయంలో అతడికి అధీర రూపంలో మరో శత్రువు పుట్టుకొస్తాడు. అతడిని ఎలా అంతమొందిచాడు అన్న కథతో రెండో భాగం రూపొందుతోంది. ఇందులో అధీరగా బాలీవుడ్ సీనియర్ హీరో సంజయ్ దత్ నటిస్తున్నాడు. ఇందులో హీరోయిన్గా శ్రీనిథి శెట్టి నటిస్తుండగా, బాలీవుడ్ నటి రవీనా టాండన్, రావు రమేష్ సహా ఎంతో మంది ప్రముఖలు కీలక పాత్రను పోషిస్తున్నారు.