KGF 2 లో రాకీ భాయ్ తల్లిగా నటించింది ఎవరో తెలుసా.. పర్సనల్ ఫొటోస్ వైరల్

పవర్ఫుల్ సెంటిమెంట్

రాకీ భాయ్ తల్లి పాత్ర సినిమాలో హైలెట్ గా నిలిచిన విషయం తెలిసిందే. ఆమె చెప్పిన డైలాగ్స్ హీరో క్యారెక్టర్ ను చాలా పవర్ఫుల్ గా ఎమోషన్స్ తో ముందుకు సాగేలా చేసిన విధానం ప్రేక్షకులకు ఎంతో కనెక్ట్ అయ్యింది. ఒక తల్లి కోరిక కోసం మంచి డాన్ గా రాకీ బాయ్ ఎలా ఎదిగాడు అనే కాన్సెప్ట్ తోనే దర్శకుడు ఈ సినిమాను తెరపైకి తీసుకు వచ్చాడు.

ఆమె అసలు పేరు

ఇక ఈ సినిమాలో యష్ తల్లి పాత్రలో నటించిన ఆ నటి గురించి తెలుసుకోవాలని ఓ వర్గం ప్రేక్షకులు ఇంటర్నెట్ లో తెగ సెర్చ్ చేస్తున్నారు. ఇక ఆ నటి వివరాల్లోకి వెళితే.. ఆమె పేరు.. అర్చన జోయిస్. ఆమె శిక్షణ పొందిన కథక్ డ్యాన్సర్. ఆమె వివిధ స్టేజ్ షోలలో ప్రదర్శనలు కూడా ఇచ్చింది. అలాగే పలు డ్యాన్స్ రియాలిటీ షోలో పాల్గొంది.

సీరియల్ ద్వారా..

KGF సినిమా ముందు వరకు కూడా అర్చన పెద్దగా ఎవరికి తెలియదు. అర్చన జోయిస్ కన్నడ పరిశ్రమలోమహాదేవి సీరియల్‌తో తన యాక్టింగ్ కెరీర్ ను ప్రారంభించింది. సీరియల్‌లో తన అద్భుతమైన నటనతో ప్రముఖులను ఆకర్షించింది. ఆ సీరియల్‌ లో ఆమె సుందరి పాత్రలో నటించింది.

అద్భుతమైన నటనతో..

KGF చాప్టర్ 1లో అర్చన జోయిస్ యొక్క మొదటి చిత్రం. ఆ సినిమాలో హీరో యష్‌తో ఆమెకు ఎటువంటి సన్నివేశాలు లేనప్పటికీ కూడా దాదాపు హీరో రేంజ్ లోనే క్రేజ్ అందుకుంది. తన అద్భుతమైన స్క్రీన్ ప్రజెన్స్ తో సినిమాలో మంచి ఎమోషన్ ను పండించింది.

ఆమె భర్త..

ఇక అర్చన జోయిస్ పర్సనల్ లైఫ్ విషయానికి వస్తే ఆమె శ్రేయాస్ అనే వ్యక్తిని ప్రేమించి పెళ్లి చేసుకుంది. ఇక అతని గురించి అయితే అర్చన ఇంతవరకు పెద్దగా ఏ విషయాన్ని బయటపెట్టింది లేదు. కానీ సోషల్ మీడియాలో మాత్రం తన భర్తతో దిగిన ఫొటోలను నిత్యం షేర్ చేసుకుంటూనే ఉంటుంది.

తెలుగులో ఆ హీరోలంటే ఇష్టం..

అర్చనకు KGF ద్వారా మంచి క్రేజ్ రావడంతో కేవలం కన్నడలోనే కాకుండా ఇతర భాషల్లో కూడా మంచి ఆఫర్స్ వస్తున్నాయట. ఇక ఆమెకు తెలుగులో మహేష్ బాబు, ప్రభాస్, రామ్ చరణ్ అంటే చాలా ఇష్టం అని ముఖ్యంగా మహేష్ బాబు చాలా హ్యాండ్సమ్ గా ఉంటాడు అని ఆయనకు పిల్లలు ఉన్నారు అనగానే మొదట నమ్మలేదు అని రీసెంట్ గా ఇచ్చిన ఇంటర్వ్యూలో అర్చన వివరణ ఇచ్చింది.