Don't Miss!
- Technology ధర రూ.9,999 కే 108MP కెమెరా, 8GB ర్యామ్ స్మార్ట్ఫోన్.. కొనుగోలుపై స్మార్ట్వాచ్ ఉచితం..!
- Finance Swiggy IPO: ఐపీఓగా రానున్న స్విగ్గీ..!
- News ప్రధాని మోదీ, రాహుల్ గాంధీలకు షాక్; కోడ్ ఉల్లంఘనలపై ఈసీ నోటీసులు
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Lifestyle వేసవిలో మైగ్రేన్ తలనొప్పి ఎందుకు పెరుగుతుంది, లక్షణాలు, ఉపశమనం ఎలా పొందాలో తెలుసుకోండి
- Sports SRHను చూస్తే భయమేస్తోంది- పాక్ దిగ్గజం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
KGF Chapter 2 నుంచి సాలిడ్ అప్డేట్: టీజర్ డేట్ను ప్రకటించిన చిత్ర యూనిట్
ఎన్నో అంచనాల నడుమ విడుదలై.. రూపొందిన అన్ని భాషల్లోనూ భారీ విజయాన్ని అందుకున్న చిత్రం 'KGF Chapter 1'. కన్నడం, తెలుగు, తమిళం, హిందీ భాషల్లో సూపర్ హిట్ అవడంతో పాటు కలెక్షన్ల పరంగానూ దుమ్ము దులిపేసింది. స్టైలిష్ డైరెక్టర్ ప్రశాంత్ నీల్ - స్టార్ హీరో యశ్ కాంబినేషన్లో రూపొందిన ఈ సినిమా ఇండియన్ సినిమాపై ఎంతో ప్రభావాన్ని చూపించింది. అంతేకాదు, జాతీయ అవార్డుల్లో సైతం సత్తా చాటింది. దీంతో ఈ సినిమాకు సీక్వెల్ను కూడా తెరకెక్కిస్తోంది చిత్ర యూనిట్. తాజాగా ఈ మూవీ నుంచి సాలిడ్ అప్డేట్ వచ్చింది.
మొదటి భాగం సూపర్ హిట్ అవడంతో 'KGF Chapter 2' అనే టైటిల్తో సీక్వెల్ను రూపొందిస్తున్నారు. తాజాగా హైదరాబాద్లో జరిగిన షెడ్యూల్తో షూటింగ్ను పూర్తి చేశారు. ఈ సినిమాకు సంబంధించి డిసెంబర్ 21 సోమవారం 10:08 గంటలకు అదిరిపోయే అప్డేట్ ఇవ్వబోతున్నట్లు దర్శకుడు శనివారం ట్వీట్ చేసిన విషయం తెలిసిందే. అందుకు అనుగుణంగానే ఓ పోస్టర్ను విడుదల చేసిన చిత్ర యూనిట్.. 'రాఖీ భాయ్ పుట్టినరోజు సందర్భంగా జనవరి 8 ఉదయం 10.18 గంటలకు టీజర్ విడుదల చేస్తున్నాం' అని అందులో పేర్కొన్నారు.
A glance into the empire💥#KGFChapter2TeaserOnJan8 at 10:18 AM on @hombalefilms Youtube: https://t.co/QxtFZcv8dy@VKiragandur @TheNameIsYash @prashanth_neel @duttsanjay @TandonRaveena @SrinidhiShetty7 @BasrurRavi @bhuvangowda84 @Karthik1423 @excelmovies @AAFilmsIndia @VaaraahiCC pic.twitter.com/Z1g4ihwo7l
— Hombale Films (@hombalefilms) December 21, 2020
ఇదిలా ఉండగా, చాప్టర్ 1 చివర్లో గరుడను చంపి కేజీఎఫ్ను తన సొంతం చేసుకుంటాడు రాఖీ భాయ్. ఇలాంటి సమయంలో అతడికి అధీర రూపంలో మరో శత్రువు పుట్టుకొస్తాడు. అతడిని ఎలా అంతమొందిచాడు అన్న కథతో రెండో భాగం రూపొందుతోంది. ఇందులో అధీరగా బాలీవుడ్ సీనియర్ హీరో సంజయ్ దత్ నటిస్తున్నాడు. ఈ చిత్రంపై భారీ అంచనాలే ఉన్నాయి. ఇందులో హీరోయిన్గా శ్రీనిథి శెట్టి నటిస్తుండగా, బాలీవుడ్ నటి రవీనా టాండన్ కీలక పాత్రను పోషిస్తున్నారు. ఈ సినిమాను వచ్చే ఏడాది వేసవిలో విడుదల చేయడానికి సన్నాహాలు చేస్తున్నారు.