Don't Miss!
- News జగన్ సీఎం కావాలని చెప్పుల్లేకుండా అభిమాని దీక్ష-స్వయంగా వెళ్లి విరమింపజేసిన వైనం..!
- Lifestyle సమ్మర్ బ్లాక్ బస్టర్ రిసిపి మ్యాంగో చికెన్ కర్రీ..!ఒక్కసారి రుచి చూస్తే మళ్లీ మళ్లీ తినాలనిపిస్తుంది
- Finance Amitabh Kant: 2047 నాటికి 35 ట్రిలియన్ డాలర్ల ఆర్థిక వ్యవస్థగా భారత్..
- Sports తలతిక్క నిర్ణయాలు: ఆ టీమ్కు అసలు సెన్స్ ఉందా: మాజీ లెజెండ్ ఫైర్
- Automobiles ముంబయి- అహ్మదాబాద్ బుల్లెట్ ట్రైన్ కోసం ‘బాలస్ట్లెస్' ట్రాక్.. దీని ప్రత్యేకతలు తెలుసా.??
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
రాత్రికి రాత్రే స్టార్ అవ్వరు.. ఎన్నో సవాళ్లు ఎదుర్కొంటూ వచ్చాను.. కేజీఎఫ్ స్టార్ కామెంట్స్
కన్నడ ఫిల్మ్ ఇండస్ట్రీ అంటే కొందరికి చిన్న చూపు. అక్కడ కూడా గొప్ప నటీనటులు ఉన్నా.. నిర్మాణ విషయంలో, సాంకేతికత విషయంలో అందరితో పోటీ పడలేరనే అపవాదుండేది. అయితే కన్నడలో వంద కోట్లు కొల్లగొట్టే సినిమానే రాలేదంటే ఎవ్వరు నమ్మరు. కానీ అది నిజం. కన్నడ ఇండస్ట్రీని తలెత్తుకునేలా చేసేందుకు ఒకడొచ్చాడు. కేజీఎఫ్ సినిమాతో దేశం మొత్తాన్ని కన్నడ వైపుకు తిప్పుకున్నాడు. అలాంటి స్క్రిప్ట్ రావాలని ప్రతీ ఒక్కరూ కోరుకుంటారు.
అన్ని భాషల్లో సూపర్ హిట్..
రాకింగ్ స్టార్ యశ్ కథానాయకుడిగా నటించిన కేజీఎఫ్ చాప్టర్- 1 దేశవ్యాప్తంగా సంచలనం సృష్టించింది. ప్రపంచవ్యాప్తంగా బాక్సాఫీస్ వద్ద ఈ చిత్రం దాదాపు 250 కోట్ల వసూళ్లు సాధించింది. ప్రశాంత్ నీల్ దర్శకత్వంలో వచ్చిన ఈ చిత్రం కన్నడం, హిందీ, తెలుగు, తమిళంలో తిరుగులేని విజయాన్ని సాధించింది.
ఇండియన్ స్టార్గా యశ్..
ఈ చిత్రం అద్భుతమైన విజయాన్ని సాధించడమే కాకుండా.. కన్నడ ఇండస్ట్రీ పవరేంటో చూపించాడు. ఈ మూవీతో యశ్ ఇండియన్ స్టార్గా ఎదిగాడు. బాహుబలితో ప్రభాస్ ఇండియన్ హీరోగా ఎదిగితే.. కేజీఎఫ్తో యశ్ ఎనలేని ఫాలోయింగ్ను ఏర్పరుచుకున్నాడు.
శరవేగంగా చాప్టర్ 2
ప్రస్తుతం సీక్వెల్గా కేజీఎఫ్ ఛాప్టర్ 2 శరవేగంగా తెరకెక్కుతుంది. ఇక కేజీఎఫ్ చాప్టర్- 2ను వచ్చే ఏడాది సమ్మర్ లో సినిమాని రిలీజ్ చేయనున్నారు. ఈ సీక్వెల్ లో తొలి భాగాన్ని మించి భారీ యాక్షన్ ని చూపించనున్నారు. ఈ చిత్రంలో బాలీవుడ్ స్టార్ సంజయ్ దత్ ఓ కీలకపాత్రలో నటించనున్నాడు.
ఒక్కసినిమాతో పెద్ద స్టార్..
కేజీఎఫ్ సృష్టించిన సునామితో యశ్ పేరు ఒక్కసారిగా మార్మోగిపోయింది. ఎక్కడా చూసినా అతను చెప్పిన డైలాగ్లే, అతని వాల్ పోస్టర్సే, సోషల్ మీడియాలో అతని ప్రొఫైల్ పిక్లే దర్శనమిచ్చేవి. భాషతో సంబంధం లేకుండా అందరూ యశ్ను అభిమానించసాగారు. అయితే ఈ ఒక్క సినిమాతో యశ్ పెద్ద స్టార్ అయిపోయాడని ఈ మధ్య తరుచుగా కామెంట్లు వినిపిస్తున్నాయి.
Recommended Video
రాత్రికి రాత్రే స్టార్ అవ్వరు..
కాగా తాజాగా ఈ వార్తల పై స్పందించిన యశ్ ‘ఎవ్వరూ రాత్రికి రాత్రే స్టార్ అవ్వరని.. ఓ వ్యక్తి చాలా సంవత్సరాలు కష్టపడితేనే స్టార్ డమ్ వస్తోందని.. నేను అలా కష్టపడిన వ్యక్తినేనని.. ఎన్నో సవాళ్లు ఎదుర్కుంటే గానీ తనకు ఈ గుర్తింపు వచ్చిందని.. 2008 నుంచి ఒక్కో మెట్టు ఎక్కుతూ కెరీర్ను నిర్మించుకున్నానని యశ్ తెలిపాడు.