మాజీ సీఎం కుమారుడి నిశ్చితార్థం.. సోషల్ మీడియాలో పిక్స్ వైరల్

Recommended Video

Finally Boyapati Srinu Gets Cash-Rich Hero || Filmibeat Telugu

కలిసి రాని సినిమాలు

నిఖిల్ గౌడకు అవకాశాలు వస్తున్నా.. సినిమాలు మాత్రం ఆడటం లేదు. మొదటి ప్రయత్నంగా చేసిన ద్విభాషా చిత్రం జాగ్వార్ రెండు చోట్లా బెడిసికొట్టింది. ఆపై కన్నడలో చేసిన సీతారామ కళ్యాణ చిత్రం కూడా అంతగా మెప్పించలేకపోయింది. ఆ మధ్య భారీ మల్టీ స్టారర్‌గా తెరకెక్కించిన కురుక్షేత్రం విడుదలైన సంగతి గుర్తుండే ఉంటుంది. ఆ చిత్రంలో అభిమన్యుడి పాత్రను పోషించాడు. అయితే ఈ సినిమా కూడా ఇతనికి పేరును తీసుకురాలేకపోయింది.

రాజకీయాల్లోనూ ఎదురుదెబ్బే..

కన్నడ రెబల్ స్టార్ అంబరీష్ మరణానంతర జరిగిన లోక్‌సభ ఎన్నికల్లో సుమలత ఎన్నికల్లో పోటీ చేసింది. ఆమె మీద నిఖిల్ గౌడ ఎంపీగా పోటీ చేశాడు. అయితే ఇద్దరూ సినీ పరిశ్రమకు చెందిన వారే అయినా.. స్వర్గీయ అంబరీష్ క్రేజ్ ముందు నిఖిల్ తట్టుకోలేకపోయాడు. ఆయన మరణంతో.. సుమలతకు సింపతీ ఓట్లు బాగానే పడ్డాయి. దీంతో రాజకీయాల్లోనూ నిఖిల్‌కు చుక్కెదురైంది.

నిఖిల్ నిశ్చితార్థం..

కాంగ్రెస్ నాయకుడైన క్రిష్ణప్ప మనవరాలు రేవతితో నిఖిల్ నిశ్చితార్థం అంగరంగ వైభవంగా జరిగింది. ఈ వేడుకలో సినీ, రాజకీయ ప్రముఖలు సందడి చేశారు. సోమవారం జరిగిన ఈ వేడుకలో దేవే గైడ, కర్ణాటక సీఎం యడ్యూరప్ప, మాజీ మంత్రి డీకే శివకుమార్ ఇలా ఎంతోమంది రాజకీయ ప్రముఖులు హాజరయ్యారు.

ఏప్రిల్‌లో పెళ్లి..

ఇక నిఖిల్-రేవతిల వివాహం ఏప్రిల్ మాసంలో జరగనున్నట్టు తెలుస్తోంది. కుమారస్వామి నియోజకవర్గమైన రామనగరలోనే వీరి వివాహం జరుగుబోతోన్నట్లు సమాచారం. నిఖిల్ ప్రస్తుతం విజయ్ కుమార్ కొండాతో మరో ద్విభాషా చిత్రాన్ని చేస్తున్నాడు.