కర్నాటక సీఎం భార్య థర్డ్ ఇన్నింగ్స్, నాలుగు సినిమాలతో సంచలనం!

రాధిక కుమార స్వామి సినిమా కెరీర్

రాధిక 2002లో నినగగి అనే కన్నడ సినిమాతో కెరీర్ ప్రారంభించారు. 2004లో ‘భద్రాద్రి రాముడు' సినిమాతో టాలీవుడ్ ఎంట్రీ ఇచ్చారు. కొన్ని తమిళ సినిమాలు చేసినా పెద్దగా గుర్తింపు లభించక పోవడంతో కన్నడ సినిమాలకే పరిమితం అయ్యారు.

ఇపుడు థర్డ్ ఇన్నింగ్స్

2002 నుండి 2008 వరకు వరస సినిమాలు చేసిన రాధిక.... కుమారస్వామిని పెళ్లాడిన తర్వాత సినిమాలకు దూరం అయ్యారు. 2012 వరకు ఆమె ఏ సినిమాల్లో నటించలేదు. వీరికి ఓ కూతురు కూడా జన్మించింది. 2013 నుండి 2015 మధ్యలో సెకండ్ ఇన్సింగ్స్ ప్రారంభించి మూడు సినిమాలు చేసిన తర్వాత మళ్లీ బ్రేక్ ఇచ్చారు. తన భర్త సీఏం అయిన తర్వాత రాధిక మళ్లీ థర్డ్ ఇన్నింగ్స్ మొదలు పెట్టారు.

కుమారస్వామి, రాధిక వ్యవహారం కన్నడనాట సంచలనం

కుమార స్వామి, రాధిక వ్యవహారం అప్పట్లో కన్నడనాట సంచలనం అయింది. 2006లో వీరి వివాహం జరుగినప్పటికీ మూడేళ్ల తర్వాత బయటి ప్రపంచానికి తెలిసింది. కుమార స్వామికి అప్పటికీ పెళ్లయి భార్య పిల్లు ఉన్నారు. రాధికకు అంతకు ముందు 2000 సంవత్సరంలో రతన్ కుమార్ అనే వ్యక్తితో వివాహం జరుగగా 2002లో అతడు గుండె పోటుతో మరణించారు.

కన్నడనాట హాట్ టాపిక్

కన్నడనాట మీడియాలో కొన్ని రోజులుగా అటు పొలిటికల్ పరంగా, ఇటు సినిమా పరంగా కుమార స్వామి కుటుంబానికి చెందిన వ్యక్తుల పేర్లే వినిపిస్తున్నాయి. కుమారస్వామి మొదటి భార్య కుమారుడు నిఖిల్ గౌడ కూడా హీరోగా సినిమాలు చేస్తున్న సంగతి తెలిసిందే.