పాత ఎఫైర్ గురించి కెలికారు.... వారి నుంచి రష్మికను కాపాడిన విజయ్ దేవరకొండ!

రిపోర్టర్ల నోరు మూయించిన విజయ్ దేవరకొండ

రష్మిక-రక్షిత్ శెట్టి బ్రేకప్ గురించి ఓ కన్నడ రిపోర్టర్ అడిగే ప్రయత్నం చేయగా.... విజయ్ దేవరకొండ కల్పించుకున్నారు. ‘‘మీరు ఏం అడుగుతున్నారో నాకు అర్థం కావడం లేదు... ఇది ఏ ఒక్కరి వ్యక్తిగతమైన మీటింగ్ కాదు. సినిమాకు సంబంధించిన ప్రమోషన్స్. ఇందులోకి ఇతర అనవసర విషయాలను తీసుకురావొద్దు.'' అంటూ వారి నోరు మూయించారు.

రష్మికను ఇబ్బంది పెట్టే ప్రయత్నం

అయితే కొందరు రిపోర్టర్లు ఇదే ప్రశ్నలు అడిగి రష్మికను ఇబ్బంది పెట్టే ప్రయత్నం చేశారు. సోషల్ మీడియా పేజీలో కూడా అభిమానులు కూడా మీ బ్రేకప్ గురించి అడుగుతున్నారు, దీనిపై మీరు స్పందించాలంటూ ఆమెపై ప్రశ్నల వర్షం కురిపించారు.

ఆ విషయం దాటవేసిన రష్మిక

అభిమానులతో నాకు మంచి రాపో ఉంది. వారితో నా అభిప్రాయాలు తరచూ పంచుకుంటూ ఉంటాను. నా సినిమాలకు సంబంధించిన అప్డేట్స్ షేర్ చేస్తూ ఉంటాను అని... రష్మిక అసలు విషయం దాటవేసే ప్రయత్నం చేశారు. రక్షిత్ శెట్టితో కలిసి పని చేయడానికి సిద్ధమేనా? అనే ప్రశ్నకు ‘చూద్దాం' అంటూ సమాధానం ఇచ్చారు.

రష్మిక-రక్షిత్ శెట్టి

రక్షిత్ శెట్టి హీరోగా వచ్చిన ‘కిరిక్ పార్టీ' అనే కన్నడ సినిమా ద్వారా రష్మిక హీరోయిన్‌గా పరిచయమైన సంగతి తెలిసిందే. ఈ సినిమా షూటింగ్ సమయంలోనే ఇద్దరూ ప్రేమలో పడ్డారు. తమ ప్రేమ బంధాన్ని మరింత ముందుకు తీసుకెళ్లడంలో భాగంగా 2017లో నిశ్చితార్థం జరుపుకున్నారు. అయితే కొన్ని అనుకోని కారణాలతో వీరి రిలేషన్ పెళ్లి వరకు వెళ్లక ముందే తెగిపోయింది.