Don't Miss!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Sports Rishabh Pant: నోకియా వల్ల కాదు.. అదే మా కొంపముంచింది
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
ప్రముఖ నిర్మాత హాస్పిటల్లో చేరిక.. స్టార్ హీరోయిన్తో కలిసిన తర్వాత కరోనా? ఆ సీఎంతో భేటీ
ప్రముఖ నిర్మాత రాక్లైన్ వెంకటేష్కు ఆరోగ్య సమస్యలు తలెత్తడంతో బెంగళూరులోని ప్రైవేట్ హాస్పిటల్లో చేర్పించారు. ఆయనకు కరోనావైరస్ నిర్దారణ పరీక్షలు జరిపించి ప్రస్తుతం ప్రాథమిక చికిత్సను అందిస్తున్నట్టు సమాచారం. కరోనావైరస్ రిపోర్టుల కోసం కుటుంబ సభ్యులు వేచి చూస్తున్నారు. ఈ క్రమంలో ఆయన ఆరోగ్యంపై కుటుంబ సభ్యులు సమాచారాన్ని వెల్లడిస్తూ..
శ్వాస సంబంధిత సమస్యలతో
రాక్లైన్ వెంకటేష్కు రెండ్రోజుల నుంచి శ్వాస సంబంధిత సమస్యలు తలెత్తాయి. దాంతో శ్వాస పీల్చకోవడమనే సమస్య తీవ్రతరం కావడంతో ఆయనను హాస్పిటల్లో చేర్పించారు. వైద్యుడైన ఆయన కుమారుడే స్వయంగా చికిత్స అందిస్తున్నారు. ప్రస్తుతం వెంకటేష్ ఆరోగ్య పరిస్థితి నిలకడగా ఉంది అని కుటుంబ సభ్యులు వెల్లడించారు.
ఎంపీ సుమలతను కలిసిన తర్వాత
రాక్లైన్ వెంకటేష్ హాస్పిటల్లో చేరిన తర్వాత కన్నడ మీడియాలో పలు కథనాలు ప్రచారం అవుతున్నాయి. ఇటీవల కాలంలో ఎంపీ, సినీ నటి సుమలత అంబరీష్ను కలుసుకొన్నారు. ఆ తర్వాత ఆమెకు కరోనావైరస్ పాజిటివ్ అనే రిపోర్టులు వచ్చాయి. ప్రస్తుతం ఆమె క్వారంటైన్లో ఉన్నారు. ఆమెను కలుసుకోవడం వల్లే వెంకటేష్కు కరోనావైరస్ వచ్చిందా? అనే కోణంలో కథనాలను ప్రచురించారు.
సీఎంతో భేటీ కూడా
ఇది ఇలా ఉంటే.. రాక్లైన్ వెంకటేష్ కొద్ది రోజుల క్రితం కర్ణాటక సీఎం బీఎస్ యాడ్యూరప్పను కూడా కలిశారు. ప్రముఖ నటుడు, మాజీ ఎంపీ అంబరీష్ స్మారక భవన నిర్మాణం కోసం సీఎంతో భేటీ అయ్యారు. ఇలాంటి క్రమంలో రాక్లైన్ వెంకటేష్కు శ్వాస సంబంధిత సమస్యలు తలెత్తాయి. అయితే కరోనా పాజిటివా? లేదా అనేది ఇంకా నిర్ధారణ కావాల్సి ఉంది. అయితే ఆయన త్వరగా కోలుకోవాలని సన్నిహితులు, స్నేహితులు ఆకాంక్షిస్తున్నారు.
Recommended Video
కన్నడతోపాటు పలు భాషల్లో సినిమాలు
రాక్లైన్ వెంకటేష్ విషయానికి వస్తే.. కన్నడ, తెలుగు, తమిళ, బెంగాళీ, హిందీ పరిశ్రమల్లో సినిమాలు రూపొందిస్తున్నారు. పోలీస్ స్టోరి, కిల్లింగ్ వీరప్పన్, నాచియార్ లాంటి సినిమాలు అత్యంత ప్రేక్షకాదరణ పొందాయి. తెలుగులో పవర్, ఆటగదరా శివ, తమిళంలో లింగా, హిందీలో భజ్రంగీ భాయ్జాన్ లాంటి చిత్రాలను రూపొందించారు.