ప్రముఖ నటుడికి రోడ్డు ప్రమాదం.. ఇప్పుడు పరిస్థితి ఎలా ఉందంటే?

ఆ నటుడి కుమారుడికి యాక్సిడెంట్

బెంగళూరు-హైదరాబాద్ హైవే పై మంగళవారం శాండిల్ వుడ్ నటుడు జగ్గేష్ కుమారుడు గురురాజ్ వెళుతున్న కారు ప్రమాదానికి గురయింది. అయితే ఈ ప్రమాదంలో స్వల్ప గాయాలతో గురురాజ్ మరణం నుండి తప్పించుకోగలిగారు. గురురాజ్ జగ్గేష్ పెద్ద కుమారుడు. అందుతున్న సమాచారం మేరకు గురురాజ్ కారు చెట్టులోకి దూసుకెళ్లింది. దీంతో కారు ముందు భాగం పూర్తిగా దెబ్బ తిన్నది.

ఎక్కడ జరిదిందంటే

ఈ ప్రమాద సమయంలో గురురాజ్ కారు నడుపుతున్నట్లు తెలుస్తోంది. అయితే ఈ ప్రమాదానికి ఖచ్చితమైన కారణం తెలియ లేదు. ఇక ఈ అంశంలో ఎవరూ ఆందోళన చెందవద్దని నటుడి కుటుంబం నుంచి ఒక ప్రకటన కూడా వచ్చింది. ఇక గురురాజ్ ప్రస్తుతం ఆరోగ్యం బాగోలేదని కుటుంబ సభ్యులు పేర్కొన్నారు. ఒక ప్రముఖ కన్నడ టీవీ నివేదిక ప్రకారం, చిక్కబల్లాపూర్ తాలూకాలోని అగలగుర్కి గ్రామ సమీపంలో ఈ ప్రమాదం జరిగింది.

టైర్ బ్లాస్ట్ తో

ఈ సంఘటన చిక్కబల్లాపూర్ ట్రాఫిక్ పోలీస్ స్టేషన్ పరిధిలో ఉందని అంటున్నారు. ఘటన జరిగిన వెంటనే పోలీసులు ఘటనా స్థలానికి చేరుకుని పరిశీలించారు. కారు టైర్లు పేలిన తర్వాత కారు అదుపుతప్పి చెట్టును గుద్దుకోవడం తో ఈ ప్రమాదం జరిగిందని పోలీసులు భావిస్తున్నారు. ఇదిలావుండగా, ఈ సంఘటనపై నటుడు జగ్గేష్ ట్విట్టర్‌లో కంగారు పడవద్దని పేర్కొన్నారు.

రంగనాయకతో ప్రేక్షకుల ముందుకు

ఇటీవల, జగ్గేష్ రంగనాయక సినిమా అధికారికంగా ప్రారంభించిన తర్వాత ఆ సినిమా అనేక సంచలనాలకు కేంద్ర బించువు అయింది. అయితే COVID-19 సెకండ్ వేవ్ లాక్ డౌన్ కారణంగా షూట్ ఆగిపోగా త్వరలో షూటింగ్ ప్రారంభించవచ్చని అంటున్నారు. నిజానికి గతంలోనే దర్శకుడు గురుప్రసాద్ జూలై 15 లోగా తమ యూనిట్ షూట్ చేయడానికి సిద్ధంగా ఉందని పేర్కొన్నారు.

హీరోగా ఎంట్రీ

తమిళ చిత్రం 7 జి రెయిన్బో కాలనీకి రీమేక్ అయిన గిల్లి సినిమాతో గురు రాజ్ హీరోగా ఎంట్రీ ఇచ్చారు. ఆ తర్వాత గిల్లి, సంక్రాంతి, పైపోటీ, మాస్ లీడర్, విష్ణు సర్కిల్ లాంటి సినిమాలతో కన్నడ ప్రేక్షకులను ఆయన మెప్పించాడు.