సీక్రెట్‌గా సంజన గల్రానీ పెళ్లి! డ్రగ్ కేసులో అరెస్ట్‌కు ముందే.. ఆ పరీక్షకు నో!

డోప్ టెస్టులు చేయించుకోనంటూ మొండిగా

డ్రగ్స్ కేసులో అరెస్ట్ చేసిన సంజనాకు డోప్ టెస్టులు నిర్వహించేందుకు పోలీసులు ప్రయత్నించారు. అయితే తాను డోప్ టెస్టులు చేయించుకోనంటూ మొండికేసిన వీడియో సోషల్ మీడియాలో వైరల్‌గా మారింది. నా లాయర్ సూచన మేరకు నడచుకొంటాను. రాజ్యాంగం కల్పించిన నా ప్రాథమిక హక్కులను కాపాడుకొంటాను. డ్రగ్ డోప్ టెస్టులకు ససేమిరా అంటూ రచ్చ చేసిన వీడియో విస్తృతంగా చక్కర్లు కొడుతున్నది.

బెంగళూరు డాక్టర్‌తో రహస్య వివాహం

ఇదిలా ఉంటే, సంజన గల్రానీ పెళ్లి విషయం ఇప్పుడు దక్షిణాది సినీ పరిశ్రమలో చర్చనీయాంశమైంది. బెంగళూరుకు చెందిన కార్డియోవాస్కులర్ సర్జన్ డాక్టర్ అజీజ్ పాషాతో పెళ్లి జరిగినట్టు ధృవీకరిస్తున్న ఓ ఫోటో మీడియాలో వెలుగు చూసింది. అయితే కొద్దికాలంగా వారిద్దరి మధ్య చాటుమాటు వ్యవహారం సాగుతున్నదనే విషయం అడపదడపా మీడియాలో వినిపించింది.

నాకు పెళ్లి కాలేదు అంటూ సంజన క్లారిటీ

అయితే తన పెళ్లి గురించి వస్తున్న వార్తలపై సోమవారం (సెప్టెంబర్ 7న) మీడియాతో మాట్లాడుతూ నా పెళ్లి జరిగినట్టు వస్తున్న వార్తలు అవాస్తవం. నేను పెళ్లి చేసుకోలేదనే విషయాన్ని మరోసారి స్పష్టం చేస్తున్నాను. ఇక విషయంపై ఎలాంటి రూమర్లు, గాసిప్స్‌ను నమ్మవద్దు అంటూ సంజనా క్లారిటీ ఇచ్చారు.

పెళ్లి కాలేదు కానీ.. ఎంగేజ్‌మెంట్

అయితే సంజన పెళ్లి విషయంలో తల్లి రేష్మా గల్రానీ చెప్పిన విషయం మరో విధంగా ఉంది. సంజనాకు పెళ్లి కాలేదు కానీ, డాక్టర్ అజీజ్ పాషాతో ఎంగేజ్‌మెంట్ జరిగింది. నిశ్చితార్థం కూడా మూడేళ్ల క్రితం జరిగింది. వాస్తవానికి ఏప్రిల్‌లో వారిద్దరు పెళ్లి చేసుకోవాలి. కరోనావైరస్ కారణంగా పెళ్లి వాయిదా పడిందంటూ క్లారిటీ ఇచ్చారు.

Recommended Video

ఆ వీడియో షేర్ చేసి దొరికిపోయిన సినీనటి సంజన.. పోలీసుల నోటీసులు!!

పెళ్లిలో తీయించుకొన్న ఫోటో అంటూ

సంజనా, అజీజ్ పాషా పెళ్లి విషయంపై వారి సన్నిహితుడు మాట్లాడుతూ.. ప్రస్తుతం వైరల్‌గా మారిన సంజనా పెళ్లి ఫోటో.. అజీజ్ బంధువుల పెళ్లి సందర్బంగా తీసుకొన్న ఫోటో అని తెలిపారు. అయితే పెళ్లి విషయంపై మాట్లాడటానికి ఆయన నిరాకరించడం మరింత అనుమానాలు రేకెత్తించాయి.