హోమ్

శాండిలీవూడ్

తెలుగు, కన్నడ చిత్రాలతో విశేషంగా ఆకట్టుకొన్న హీరోయిన్ రక్షిత పెళ్లి తర్వాత అనూహ్యంగా సినీ పరిశ్రమకు దూరమయ్యారు. పూరీ జగన్నాథ్ లాంటి దర్శకుడితో కలిసి చేసిన ఇడియెట్ సినిమాతో టాలీవుడ్‌లో మంచి క్రేజ్ సంపాదించుకొన్నారు. ఆ తర్వాత శ్రీకాంత్‌తో పెళ్లాం ఊరెళ్లితే.. మహేష్ బాబుతో నిజం, నాగార్జునతో శివమణి చిత్రాలతో స్టార్ హీరోయిన్‌గా మారిపోయారు.

ఆకాంక్ష శర్మ.. ఓ వైపు ట్రెడిషినల్ లుక్ మరోవైపు హాట్ లుక్

అనంతరం చిరంజీవితో అందరివాడు, బాలకృష్ణతో లక్ష్మీనరసింహ, జూనియర్ ఎన్టీఆర్‌తో ఆంధ్రావాలా చిత్రాల్లో నటించి మెప్పించారు. ఆ తర్వాత కన్నడలో ఫుల్‌టైమ్ నిర్మాతగా మారిపోయారు. ప్రస్తుతం ఏక్ లవ్ యూ అనే చిత్రాన్ని నిర్మించి తెలుగులో విడుదల చేయడానికి ప్రయత్నిస్తున్నారు.

తాను నిర్మించిన ఏక్ లవ్ యా చిత్రంలో స్వయంగా తన సోదరుడు రానాను హీరోగా పరిచయం చేస్తున్నారు. ఈ సినిమాను తెలుగు, కన్నడ, తమిళ, మలయాళ భాషల్లో తెరకెక్కించారు. కన్నడ రంగంలో మంచి క్రేజ్ సంపాదించుకొన్న హీరోయిన్ రచితా రామ్ ఈ సినిమాలో హీరోయిన్. ఈ మూవీకి రక్షిత భర్త, కన్నడ స్టార్ డైరెక్టర్ జోగి ప్రేమ్ దర్శకత్వం వహించారు.

ఇప్పటికే విడుదల చేసిన ఏక్ లవ్ యాలోని తొలి పాట సంగీత ప్రియులను ఆకర్షించడంతో సూపర్ హిట్ అయ్యింది. సుమారు 5 మిలియన్ల వ్యూస్‌కుపైగా సాధించింది. ఉగాది పండుగను పురస్కరించుకొని ఏక్ లవ్ యా' మూవీ నుంచి కాలాన్ని మరచి అనే పాటను సెకండ సింగిల్‌గా యూనిట్ రిలీజ్ చేసింది. ఈ పాటను స్వయంగా చిత్ర దర్శకుడు ప్రేమ్ పాడటం విశేషం.