సన్నిలియోన్‌కు సెగ.. చెప్పుల దండతో నిరసన.. దిష్టిబొమ్మ దగ్ధం!

సన్నీ వీరనారిగా నటించడమా?

సన్నిలియోన్ లాంటి శృంగార తార వీరనారిగా నటించడమా? అని కర్ణాటక రక్షణ వేదిక మండిపడింది. బెంగళూరులోని టౌన్ హాల్‌లో ధర్నా, నిరసన కార్యక్రమాలను చేపట్టింది. రానున్న రోజుల్లో ఈ ఉద్యమాన్ని మరింత ఉధృతం చేస్తామని వార్నింగ్ ఇచ్చారు.

పోస్టర్లను తగులబెట్టిన

వీరమదేవీ సినిమాకు సంబంధించిన సన్నిలియోన్ పోస్టర్లను తగులబెట్టారు. ఆమెకు వ్యతిరేకంగా నినాదాలు చేశారు. నగరంలోకి రాకుండా సన్నిలియోను అడ్డుకొంటాం అని కార్యకర్తలు హెచ్చరించారు.

దిష్టిబొమ్మకు చెప్పుల దండ

వీరమదేవి చిత్రానికి వ్యతిరేకంగా గతవారం కూడా ఈ సంస్థ నిరసన ప్రదర్శన నిర్వహించింది. సన్నిలియోన్ దిష్టిబొమ్మకు చెప్పుల దండ వేసి నిరసన తెలిపారు. కరవే యువ సేన అనే మరో సంస్థ కూడా ఈ సినిమాపై అభ్యంతరం లేవనెత్తుతున్నది.

మూడు భాషల్లో వీరమదేవీ

వీరమదేవీ చిత్రం తెలుగు, తమిళ, కన్నడ భాషల్లో తెరకెక్కుతున్నది. ఈ సినిమా ద్వారా సన్నిలియోన్ పూర్తిస్థాయిలో తమిళంలోకి అడుగుపెడుతున్నారు. గతంలో వడ కర్రీ అనే సినిమాలో అతిథి పాత్రలో కనిపించింది.